İqbal Ağazadə gənc xanımı özünə müavin təyin etdi — Gənclər Günündə

İqbal Ağazadə gənc xanımı özünə müavin təyin etdi
13:54
02.02.2016
19727
Siyasət
A

Ümid Partiayasına yeni müavin təyin edilib.

Bu gün, fevral ayının 2-si Tamilla Qulami Ümid Partiyası sədrinin Təbliğat və Təşviqat məsələləri üzrə müavini təyin olunub.

Qeyd edək ki, Tamilla Qulami Azərbaycan Ümid Partiyasında “Beynəlxalq əlaqələr” şöbəsinin müdiri kimi fəaliyyətə başlayıb. 2015-ci ilin aprel ayının 13-ündən partiyanın Ali Məclis Sədrinin müavini vəzifəsində çalışıb.

23 dekabr 2014-cü il Azərbaycanda keçirilən Bələdiyyə Seçkilərində Ümid Partiyasından namizədliyini irəli sürüb, Binəqədi Rayonu Binəqədi Bələdiyyəsinə seçilib. "Yerli Ekologiyalar Daimi Komissiyası"nın üzvüdür.

2006-cı ildən beynəlxalq tədbirlərdə iştirak edir.

2014-cü ildə Qazaxıstanın Çimkənd şəhərində keçirilən “Türk xalqlarının Qurultayı”, Turan şəhərciyinin açılışında, Gürcüstanda keçirilən “Elat Mədəniyyəti Günləri” tədbirində iştirak edib. 2014-cü ilin 13-15 oktyabrında Litva Respublikasının ev sahibliyi ilə Avropa Birliyi Şərq Tərəfdaşlığı çərçivəsində III "Gənc Liderlərin Akademiyası“nda Siyasətdə gənclərin iştirakı: İmkanlar və perspektivlər” forumunda “Cənubi Qafqaz Birliyi” mövzusuyla çıxış edib, Beynəlxalq Diploma layiq görülüb.

125-lər Siyasi Klubunun İdarə Heyətinin üzvü, sədr müavini, Azərbaycan Ümid Partiyasının Ali Məclis Sədrinin müavini, Binəqədi rayonu Binəqədi Bələdiyyəsinin üzvü Tamilla Qulami Tərtər 95 Saylı Seçki Dairəsindən 1 noyabr 2015-ci ildə keçiriləcək parlament seçkilərində öz namizədliyini irəli sürüb.

Ölkə.Az

ŞƏRH YAZ
0

Hikmət Hacıyev: "Ermənilər Dağlıq Qarabağda bir neçə istiqamətdə qeyri-qanuni fəaliyyət göstərirlər"

Hikmət Hacıyev:
11:21
Bu gün
236
Siyasət
A
"Ermənilərin Azərbaycanın işğal olunmuş ərazilərindəki qanunsuz fəaliyyətinin nəticəsində danışıqlar prosesində böyük problemlər yaranır və bu, ermənilərin maraqlarına cavab verir. Onlar status-kvonun qorunması üçün hər şeyi edirlər".

"ölkə.Az" xəbər verir ki, bunu Azərbaycan Prezidenti Administrasiyasının Xarici siyasət məsələləri şöbəsinin müdir müavini Hikmət Hacıyev Azərbaycan Respublikasının Prezidenti yanında Strateji Araşdırmalar Mərkəzinin (SAM) təşkilatçılığı ilə Bakıda keçirilən “Azərbaycanın işğal edilmiş ərazilərində qeyri-qanuni fəaliyyət və üçüncü tərəflərin məsuliyyəti” mövzusundakı beynəlxalq konfransda deyib.

Onun sözlərinə görə, ermənilər Dağlıq Qarabağda bir neçə istiqamətdə qeyri-qanuni fəaliyyət göstərirlər. "Bura işğal altındakı ərazilərdə demoqrafiyanın dəyişdirilməsi, məskunlaşma siyasəti, təbii sərvətlərdən qanunsuz istifadə, çirkli pulların yuyulması, infrastrukturun dəyişdirilməsi, maddi-mədəni irsin məhv edilməsi, turizmin qurulması və işğal altındakı ərazilərə qeyri-qanuni səfərlər edilməsi aiddir", - o deyib.

H.Hacıyev qeyd edib ki, Ermənistan işğal olunmuş ərazilərdə təbii sərvətləri məhv edərək və talan edərək orada faktaraşdırıcı missiya aparmağa imkan vermir, çünki bu, onlara sərf etmir.

H.Hacıyevin sözlərinə görə, ATƏT-in Minsk qrupunun həmsədrlərinin diqqətini ermənilərin bu ərazilərdəki qanunsuz fəaliyyətinə yönəltmək vacibdir.

Ölkə.Az

ŞƏRH YAZ
0

Azərbaycanda yeni medal təsis olundu

Azərbaycanda yeni medal təsis olundu
10:52
Bu gün
154
Siyasət
A
Prezident İlham Əliyev“Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)” Azərbaycan Respublikasının yubiley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” Azərbaycan Respublikasının Qanununda dəyişiklik edilməsi barədə qanunu imzalayıb.

"Ölkə.Az" xəbər verir ki, sənədə əsasən, “Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)” Azərbaycan Respublikasının yubiley medalı haqqında Əsasnamə” və “Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)” Azərbaycan Respublikasının yubiley medalının təsviri” təsdiq edilib.
Maddə 1. Medalın ümumi təsviri

“Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)” Azərbaycan Respublikasının yubiley medalı (bundan sonra - medal) bürüncdən tökülmüş və qızıl suyuna çəkilmiş, diametri 38 mm olan, hər tərəfə şüalar saçan səkkizguşəli ulduz kompozisiyalı lövhədən ibarətdir.

Maddə 2. Medalın ön tərəfi

Medalın ön tərəfində xarici və daxili çevrələrlə əhatə olunmuş lövhə yerləşir. Diametri 26 mm olan xarici çevrə ilə diametri 20 mm olan daxili çevrənin arasında yuxarı qövs boyunca həkk olunmuş “AZƏRBAYCAN RESPUBLİKASI” sözlərini hər iki tərəfdən tamamlayan iki ədəd səkkizguşəli ulduz vardır. Alt hissədə ortada palıd yarpaqları təsvir olunmuş, sol tərəfdə qövs boyunca aşağıdan yuxarıya doğru “1919”, sağ tərəfdə qövs boyunca yuxarıdan aşağıya doğru “2019” rəqəmləri, göy rəngli mərkəzi dairənin üzərində isə “DÖVLƏT TƏHLÜKƏSİZLİYİ VƏ XARİCİ KƏŞFİYYAT ORQANLARI 100 İL” sözləri yazılmışdır. Səkkizguşəli ulduz və onun şüaları, çevrələrin konturları, palıd yarpaqları və bütün yazılar relyefli olmaqla qızılı rəngdədir.

Maddə 3. Medalın arxa tərəfi

Medalın arxa tərəfinin səthi hamardır, orta hissəsində “AZƏRBAYCAN RESPUBLİKASI DÖVLƏT TƏHLÜKƏSİZLİYİ VƏ XARİCİ KƏŞFİYYAT ORQANLARI 1919-2019” sözləri, aşağı hissəsində medalın seriyası və nömrəsi həkk olunmuşdur.

Maddə 4. Medalın elementləri

4.1. Medal paltara bərkidilmək üçün elementi olan, 37 mm x 50 mm ölçülü beşbucaqlı lövhəyə ilgək və iki halqa vasitəsilə birləşdirilir. Lövhəyə üzərində kənarlardan mərkəzə doğru ardıcıl olaraq 4,25 mm enində mavi, 1,5 mm enində qızılı, 4,25 mm enində mavi zolaqlar, mərkəzdə isə 17 mm enində göy rəngli şaquli zolaq təsvir edilən xara lent çəkilmişdir. Xara lentin yuxarı hissəsinə üzərində ulduz, aypara və dalğalı lent təsvir olunan 40 mm x 5,5 mm ölçülü düzbucaqlı lövhə bərkidilmişdir. Ulduz, aypara və lent təsvirləri relyeflidir.

4.2. Medala paltarın yaxasına bərkidilmək üçün elementi olan, eyni xara lentdən üz çəkilmiş 37 mm x 10 mm ölçülü qəlib əlavə olunur.

ŞƏRH YAZ
0
BAĞLA