İqor Tüdor "Galatasaray" futbol klubu ilə müqaviləni rəsmiləşdirdi
Bir müddət əvvəl xəbər vermişdik ki, İqor Tüdor "Galatasaray" futbol klubuna baş məşqçi kimi dəvət edilib
"Ölkə.Az" xəbər verir ki, İqor Tüdor klubun prezidenti Dursun Özbəkin də iştirak etdiyi bir tədbirdə müqaviləyə imza atır. Tədbir "Türk Telekom Arena"-da keçirilir.
Dursun Özbək deyib: "Araşdırmaların nəticələrinə əsasən Tüdorla yolumuza davam etməyə qərar verdik. Dünəndən etibarən yeni baş məşqçimizdir. Uğurlar diləyirəm. Hədəfimiz "Galatasaray"ın uğurlarıdır. Tüdora inanırıq".
İqor Tüdor isə deyib: "Hər birimizin məqsədi klubun uğur əldə etməsidir. Mənə verilən bu fürsət üçün təşəkkür edirəm. Siz sistemlərə yönəlmisiniz. Məncə bu çox vacib deyil. Mənim üçün vacib olan şey komandanın ruhudur. 10 nəfə müdafiəçi, 10 nəfər hücumçu olmalıdır. Bunu görmək istəyirəm. Təbii ki, buna nail olmaq asan deyil. Müəyyən vaxt keçməlidir".
Hikmət
Ölkə.Az
