İran ABŞ-ı casusluqda ittiham etdi
İranın xarici işlər nazirliyinin nümayəndəsi Bəhram Qasımi ABŞ-ı sərt şəkildə ittiham edib.
“Ölkə.Az” xəbər verir ki, diplomat ABŞ-ın səfirlikdən casusluq şəbəkəsi kimi istifadə etdiyini bildirib.
Bir müddət əvvəl ABŞ-ın dövlət katibi Mayk Pompeo İranı digər ölkələrdəki səfirliklərini terror aktları hazırlamaq üçün istifadə etdiyini bildirmişdi və bütün ölkələri iranlı diplomatları yoxlamağa çağırmışdı.
“Pompeo bu ittihamı əsası olmadan səsləndirir. Amma ABŞ özü diplomatik pərdə altında yüzlərlə hərbçi və xüsusi xidmət orqanı əməkdaşlarından istifadə edir, casus şəbəkəsi yaradır”, - deyə Qasımi bildirib.
Hikmət Həsənov
Ölkə.Az
