İran ABŞ-ı hədələdi

"Ölkə.Az" xəbər verir ki, Ruhaninin sözlərinə əsasən ABŞ-ın yeni sanksiyalar tətbiq edəcəyi vəziyyətdə rəsmi Tehran bir neçə saat ərzində nüvə müqaviləsini ləğv edəcək.

İran bazar günü ballistik raket sınaqları üçün 520 milyon dollarlıq büdcə ayırıb. Qəbul edilən qanun isə ABŞ-ın son sanksiyalarına verilən cavab kimi qəbul edilmişdi.

Ruhani deyib: "ABŞ sanksiyalara davam etsə, nüvə müqaviləsini ləğv etmək üçün cəmi bir neçə saat vaxt bizə kifayət edər".

İran və ABŞ arasında gərginlik yenə də artmağa davam edir. İran parlamentində çıxış edən prezident Ruhani ABŞ-a xəbərdarlıq edib ki, rəsmi Vaşinqton addımlarından əl çəkməsə, rəsmi Tehran aylar və həftələr yox, bir neçə saat ərzində geriyə addım ataraq nüvə müqaviləsini ləğv edəcək.

Hikmət Həsənov
Ölkə.Az