İran ABŞ-ın yeni viza məhdudiyyətini təhqir kimi qəbul etdi
ABŞ hökuməti İran vətəndaşlarının Birləşmiş Ştatlara səfərinə yeni məhdudiyyət tətbiq edib.
"Ölkə.Az" xəbər verir ki, İranın xarici işlər naziri Cavad Zərif yeni məhdudiyyətlərin təhqir olduğunu bəyan edib.
İranlı diplomat Tvitter səhifəsində yazıb: "ABŞ prezidenti Donald Trampın iranlılara saxta şəfqəti bizim xalqa qarşı tətbiq edilən növbəti təhqiredici sanksiyalardan sonra daha da saxta görünür".
Qeyd edək ki, 24 sentyabr tarixində ABŞ 8 ölkə vətəndaşlarının Birləşmiş Ştatlara səfərinə məhdudiyyət tətbiq edib. İran, Liviya, Suriya, Yəmən və Somali olan siyahıya Venesuela, Şimali Koreya və Çadın da adı əlavə edilib. Qanun 18 oktyabr tarixində qüvvəyə minəcək.
Hikmət Həsənov
Ölkə.Az
