İran neft hasilatını artırmağı planlaşdırır

"Ölkə.Az" xəbər verir ki, rəsmi Tehran yaxın 5 il ərzində qara qızıl hasilatını 20 %, yəni sutkada 5 milyon barrelə qədər artırmağı düşünür. Bu barədə ölkənin neft naziri Bijan Zəngan məlumat verib.

Nazirlik qeyd edib ki, yeni neft yataqlarının tapılması və hazırda neft çıxarılan ərazilərdə texnologiyanın yenilənməsi səbəbindən hökumət bu addımı atmaq qərarına gəlib. Hazırda İran sutkada 3.8 milyon barrel neft hasil edir.

Qeyd edək ki, dünən OPEK-ə üzv ölkələr neft hasilatını azaltmaq barədə qərarı 9 ay müddətinə uzatmaq barədə razılığa gəliblər.

Hikmət
Ölkə.Az