İran prezidentinin bu fotosu qalmaqala səbəb oldu
"Ölkə.Az" xəbər verir ki, gəzintidə prezidentin idman geyimi ilə çəkilən fotosu sosial şəbəkədə reaksiyalara səbəb olub.
Ruhaninin şəxsi "İnstagram" hesabında paylaşılan fotoda iki gənc qız və bir kişi xeylağı var. Fotoya 17 mindən çox sosial şəbəkə istifadəçisi rəy yazıb.
Saçları açıq qızların yanında idman geyimində şəkil çəkdirən İran prezidentinin bu hərəkəti "seçki şousu" kimi dəyərləndirilib. Mühafizəkarlar isə Ruhaninin yanındakı qızların geyiminin İslam respublikası dəyərlərinə zidd olduğunu bildirib.
Sabiq mühafizəkar millət vəkillərindən olan Hamid Rasayi də prezidentin fotosunun altına rəy yazaraq reaksiyasını bildirib. Rasayinin fikrinə görə, hökumət iqtisadi uğursuzluğunu kölgələməyə çalışır.
Ruhaninin tərəfdarları isə prezidenti dəstəklədiklərini bildiriblər.
Hikmət
Ölkə.Az