İran vətəndaşı dələduzların toruna düşdü — 35 min manat

İran vətəndaşı dələduzların toruna düşdü
12:27
14.06.2018
1379
Hadisə
A
İran İslam Respublikasının vətəndaşı Bakıda dələduzun toruna düşüb.

 “Ölkə.Az”ın xəbərinə görə, Nadir Şahbazi adlı əcnəbi Xəzər RPİ-nə şikayət ərizəsi yazıb. O, ərizəsində göstərib ki, Rasim adlı şəxs iş qurmaq adı ilə onun 35 min manat pulunu alıb. Ancaq nə iş qurulub, nə də pul qayıdıb. 

Daxil olmuş şikayət ərizəsi əsasında Xəzər RPİ-nin İstintaq Şöbəsində araşdırmalara başlanılıb. Əgər fakt sübuta yetirilsə, Rasim adlı şəxsə qarşı cinayət məcəlləsinin 178 (dələduzluq) maddəsi ilə cinayət işi başlanacaq.

ŞƏRH YAZ
0

Tovuzda avtomobil təmiri zamanı bədbəxt hadisə — FOTO

Tovuzda avtomobil təmiri zamanı bədbəxt hadisə
12:21
Bu gün
295
Hadisə
A
Tovuzda 32 yaşlı kişi ehtiyatsızlıq ucbatından xəsarət alıb.

"Ölkə.Az"ın  Oxu.Az-a istinadən verdiyi məlumatına görə, hadisə rayonun Yanıqlı kəndində baş verib.

Kənd sakini, 1987-ci il təvəllüdlü Röyal Qurbanov avtomobil təmir edən zaman diqqətsizlik səbəbindən yanıq xəsarəti alıb. 

R.Qurbanov dərhal yaxınlıqdakı xəstəxanaya çatdırılıb. Vəziyyətinin kafi olduğu bildirilir. 

Faktla bağlı araşdırma aparılır.

Ölkə.Az

ŞƏRH YAZ
0

Goranboyda dəhşətli qəza — İki nəfər yanaraq can verdi

Goranboyda dəhşətli qəza
10:05
Bu gün
1113
Hadisə
A
Goranboyda ağır yol-nəqliyyat hadisəsi nəticəsində iki nəfər maşında yanaraq ölüb.

Fövqəladə Hallar Nazirliyindən "Ölkə.Az"a verilən məlumata görə, “Mercedes” markalı yük avtomobili ilə “Ford” markalı minik avtomobilinin toqquşması nəticəsində “Ford”da yanğın baş verib. 

Yanğının kəşfiyyatı zamanı minik avtomobilində şəxsiyyəti bilinməyən iki nəfərin yanmış meyiti aşkarlanıb. Cəsədlər yanğınsöndürənlər tərəfindən nəqliyyat vasitəsindən çıxarılaraq aidiyyəti üzrə təhvil verilib. 

Yük avtomobili yanğından mühafizə olunub. Yanğın yanğından mühafizə bölmələri tərəfindən söndürülüb. 

Hadisə ilə əlaqədar müvafiq qurumlar tərəfindən təhqiqat aparılır.

Ölkə.Az

ŞƏRH YAZ
0
BAĞLA