İrana qarşı tarixin ən böyük sanksiyası tətbiq olundu

İrana qarşı tarixin ən böyük sanksiyası tətbiq olundu
05:31
21.09.2019
2998
Siyasət
A
ABŞ prezidenti Donald Tramp İrana qarşı sanksiyalar yolu ilə təzyiqin daha da gücləndirildiyini elan edib.

"Ölkə.Az" bildirir ki, Ağ evdə jurnalistlərə açıqlama verən Tramp Səudiyyə Ərəbistanının neft emalı zavodlarına hücuma görə İranın Mərkəzi Bankına sanksiya tətbiq edildiyini açıqlayıb. Trampın sözlərinə görə, söhbət tarix boyu İrana qarşı tətbiq edilmiş “ən yüksək səviyyəli sanksiyadan” gedir.

ABŞ prezidenti onu da deyib ki, İrana qarşı hərbi tədbirlər planı da onun masası üzərindədir və vurulacaq hədəflər müəyyən edilib. Onun sözlərinə görə, istənilən vaxt İranın 15 obyektinə zərbə endirilməsi əmrini verə bilər. Bunun üçün bütün hazırlıqlar tamamlanıb, amma Trampa görə hərbi varianta əl atmaq “ən asan işdir”.

Jurnalistlərə müraciət edən Tramp deyib: “Mən ilə burada, sizin yanınızda əmr verə bilərəm: “Uşaqlar, başlayın”. Və bu İran üçün çox pis gün olardı, sizlər isə yazmağa böyük mövzu əldə edərdiniz. Amma bu ən asan yoldur, ona görə də mən bunu etmək istəmirəm, əgər etməmək imkanım varsa”.

Prezident əlavə edib ki, zərbələrin endirilməsində tələsməmək zəiflik əlaməti deyil, əksinə, onların gücünü göstərir.

Maliyyə naziri Stiven Mnuçin isə əlavə edib ki, Milli Bank İranın sonuncu maliyyə qaynağı idi. Milli Bankdan əlavə İranın “Milli inkişaf fondu” və “Etemad Tejerate Pars Co.” şirkəti də sanksiyalar siyahısına daxil edilib.

Ölkə.Az

ŞƏRH YAZ
0

Qırğızıstan Prezidenti Bakıya gəlib

Qırğızıstan Prezidenti Bakıya gəlib
16:09
Bu gün
151
Siyasət
A
Qırğız Respublikasının Prezidenti Sooronbay Jeenbekov Türkdilli Dövlətlərin Əməkdaşlıq Şurasının VII Zirvə Görüşündə iştirak etmək üçün oktyabrın 14-də Azərbaycan Respublikasına səfərə gəlib.

"Ölkə.Az" xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.

Qırğızıstan Prezidenti Sooronbay Jeenbekovu hava limanında Azərbaycan Respublikası Baş Nazirinin birinci müavini Yaqub Eyyubov və digər rəsmi şəxslər qarşıladılar.

Ölkə.Az

ŞƏRH YAZ
0

İlham Əliyev Ərdoğanla görüşdü — FOTO

İlham Əliyev Ərdoğanla görüşdü
15:57
Bu gün
292
Siyasət
A
Azərbaycan Respublikasının Prezidenti İlham Əliyev oktyabrın 14-də Türkiyə Respublikasının Prezidenti Rəcəb Tayyib Ərdoğan ilə görüşüb.

“Ölkə.Az” xəbər verir ki,  Türkiyə Respublikasının Prezidenti Rəcəb Tayyib Ərdoğanın Türkdilli Dövlətlərin Əməkdaşlıq Şurasının VII Zirvə Görüşündə iştirak etmək üçün oktyabrın 14-də Azərbaycan Respublikasına səfəri başlayıb.

Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Ərdoğanı Heydər Əliyev adına Beynəlxalq Hava Limanında Azərbaycanın rəsmi şəxsləri, eləcə də Türkiyənin xarici işlər naziri Mövlud Çavuşoğlu qarşılayıblar.

Türkiyə Respublikasının Prezidenti Rəcəb Tayyib Ərdoğan hava limanından birbaşa Azərbaycan Respublikasının Prezidenti İlham Əliyeviniqamətgahına yollanıb. Orada onu Azərbaycan Prezidenti İlham Əliyev qarşılayıb. İki ölkənin lideri arasında təkbə-tək görüş baş tutub.

Mürtəza
Ölkə.Az

ŞƏRH YAZ
0
BAĞLA