İranda Azərbaycan türkcəsində təhsilə icazə verildi

İranda Azərbaycan türkcəsində təhsilə icazə verildi
13:10
25.08.2019
12517
Ölkə
A
İranın Şərqi Azərbaycan əyalətindəki məktəblərdə 2019-2020 tədris ilində Azərbaycan türkcəsində təhsil veriləcək.

“Ölkə.Az” TRT-yə istinadən xəbər verir ki, bu barədə İSNA-ya Şərqi Azərbaycan üzrə Təlim-Təhsil şöbəsinin müdiri Cəfər Paşa bildirib:

“İranın Təhsil Nazirliyinin orta məktəblər üçün hazırladığı xüsusi proqrama əsasən, yerli xalqın öz dilində təhsil almaq istəyi nəzərə alınaraq Şərq Azərbaycan əyalətindəki məktəblərdə bundan sonra Azərbaycan türkcəsində də dərslərin keçilməsi qərarı alınıb. Dərslər 23 sentyabrdan və həftədə 3 saat olmaqla bu ildən başlanır. Şərqi Azərbaycan əyalətində Azərbaycan türkcəsində təhsil böyük əhəmiyyət daşıyır”.

Qeyd edək ki, İran Konstitusiyanın 15-ci maddəsinə əsasən yerli dillərin öyrədilməsilə bağlı tələblər daim səslənirdi. Artıq əyalətimizdə iki dil – Azərbaycan türkcəsi və farsça paralel tədris ediləcək.

Ölkə.Az

ŞƏRH YAZ
1

Dünən ən çox yağış bu rayonlarda yağıb

Dünən ən çox yağış bu rayonlarda yağıb
13:35
Bu gün
1557
Ölkə
A
Ekologiya və Təbii Sərvətlər Nazirliyi (ETSN) faktiki hava şəraiti haqqında məlumatı açıqlayıb.

“Ölkə.Az” ETSN-in Milli Hidrometeorologiya Departamentinə istinadən xəbər verir ki, sentyabrın 21-i gündüzdən sentyabrın 22-si səhərdək ölkə ərazisində hava şəraiti qeyri-sabit keçib, yağış yağıb, bəzi yerlərdə intensiv və güclü olub.

Dağlıq ərazilərdə qar yağıb, bəzi rayonlarda güclü şimal-qərb küləyi əsib.

Şimal-qərb küləyi bəzi yerlərdə 15-20 m/s, ayrı-ayrı yerlərdə arabir 24-38 m/s, Abşeron yarımadasında və Abşeron Dəniz rayonunda isə 20-25 m/s , bəzi yerlərdə arabir 35-38 m/s-dək güclənib. Neft Daşları stansiyasının məlumatına əsasən, dalğanın hündürlüyü 6.6 metrə çatıb.

Eyni zamanda, yağış Astarada 33 mm, Lənkəranda 28 mm, Lerikdə 25 mm, Şahdağda 11 mm, Yardımlıda 9 mm, Şamaxıda 7 mm, Qusarda 5 mm, Xınalıq, Qubada 4 mm, əksər rayonlarda 0.0-1.0 mm olub.

Qar örtüyünün hündürlüyü isə Şahdağda 3 sm, Xınalıq, Qırızda 1 sm qeydə alınıb.

Qeyd edək ki, ölkə ərazisində qeyri-sabit hava şəraitinin sentyabrın 22-si gündüzədək davam edəcəyi, 23-dən havanın mülayim, əsasən yağmursuz keçəcəyi gözlənilir.

Ölkə.Az

ŞƏRH YAZ
0

Qubaya qar yağdı — FOTOLAR

Qubaya qar yağdı
10:46
Bu gün
6301
Ölkə
A
Azərbaycanın şimalındakı ucqar dağ kəndlərinə ilk qar yağıb.

“Ölkə.Az” report-a istinadən xəbər verir ki, Qubanın dağlıq kəndlərinə yağan qarın hündürlüyü 5-8 santimetr olub.

Xüsusəndə rayonun Söhüb, Rük, Buduq, Dalıqaya, Zıxır, Girdah və digər dağlıq kəndlərinə qar yağıb.

Ölkə.Az

ŞƏRH YAZ
0
BAĞLA