İranda hərbi parad vaxtı terror aktı törədildi
İranda hərbi parad zamanı törədilən terror aktında ölənlərin sayı 24-ə çatıb.
"Ölkə.Az" “İRNA” agentliyinə istinadən bildirir ki, 53 nəfər yaralanıb. Onların arasında qadınlar və uşaqlar da var.
Agentliyin məlumatına görə, terror aktına görə məsuliyyəti “Əhvazdakı patriot ərəb demokratik hərəkatı” qruplaşması öz üzərinə götürüb. Qeyd edək ki, bu qruplaşmanın Səudiyyə Ərəbistanı ilə əlaqəsi var.
***
“Ölkə.Az” xəbər verir ki, Əhvaz şəhərində keçirilən hərbi parad vaxtı bir neçə naməlum şəxs atəş açıb.
İnsident nəticəsində 10 nəfər həlak olub. Onlardan bir nəfəri jurnalistdir. Terror aktı nəticəsində isə 21 nəfər xəsarət alıb.
Qeyd edək ki, bu gün Tehranda və İranın bir sıra şəhərlərində hərbi parad keçirilir.
Hikmət Həsənov
Ölkə.Az
