KORONAVİRUSA YOLUXANLARIN SAYI - CANLI STATİSTİKA

İranda koronavirusdan ölənlərin sayı 1 812-yə çatdı

İranda koronavirusdan ölənlərin sayı 1 812-yə çatdı
17:50
23.03.2020
2552
Dünya
A
İranda daha 127 nəfər koronavirusun qurbanı olub.

“Ölkə.Az” Report-a istinadən xəbər verir ki, İran Səhiyyə Nazirliyinin sözçüsü Kiyanuş Cahanpur ölkədə infeksiyadan ölənlərin sayının 1 812 nəfər olduğunu açıqlayıb.

O bildirib ki, daha 1 411 nəfərdə koronavirus aşkarlanıb və bununla da virus daşıyıcılarının sayı 23 049 nəfərə çatıb.

K.Cahanpur həmçinin 8 376 nəfərin koronavirusdan sağalaraq xəstəxanalardan buraxıldığını da vurğulayıb.

Ölkənin birinci vitse-prezidenti İshaq Cahangiri, sənaye, mədən və ticarət naziri Rza Rəhmani, səhiyyə nazirinin müavini İrəç Hərirçi, vitse-prezident Məsumə Ebtekar, ali rəhbərin beynəlxalq məsələlər üzrə müşaviri Əli Əkbər Vilayəti, fövqəladə hallar təşkilatının başçısı İsmayıl Naccar, sabiq ədliyyə naziri Mustafa Purməhəmmədi də daxil olmaqla 23 deputat koronavirusa yoluxub.

Bundan başqa, qadın deputat Fatimə Rəhbər, İranın Vatikandakı keçmiş səfiri Hadi Xosrovşahi, İran Məsləhət Şurasının üzvü Seyid Məhəmməd Mirməhəmmədi,İran XİN başçısının sabiq müşaviri Hüseyn Şeyxülislam və İran Ekspertlər Şurasının üzvü Seyid Həşim Bəthayi koronavirusdan ölüb.

Martın 11-i koronavirusa yoluxmuş İran parlamentinin millət vəkili Zöhrə İlahian və səhiyyə nazirinin müavini İrəç Hərirçi tam müalicə olunaraq evə buraxılıb.

Hökumət koronavirusun kütləvi yayılması ilə əlaqədar olaraq, 17 əyalətə girişi qadağan edib.

Bundan əlavə, İranın ali rəhbərinin ənənəvi Novruz bayramı çıxışı epidemiyaya görə təxirə salınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 192 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 350 452-yə çatıb. Bunların 100 354 nəfəri sağalıb, 15 315 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib. 

Ölkə.Az

ŞƏRH YAZ
0

Məşhur jurnalist Malaxovdan azərbaycanlılara çağırış — VİDEO

Məşhur jurnalist Malaxovdan azərbaycanlılara çağırış
02:54
Bu gün
213
Dünya
A
Dünyada geniş yayılmış yeni tip koronavirus (COVİD-19) pandemiyası ilə əlaqədar sosial izolyasiya tədbirlərindən biri də əhalinin ehtiyac olmadıqca evlərindən çıxmamaqlarıdır.

"Ölkə.Az" oxu.az-a istinadən xəbər verir ki, #Evdəqal şüarı ilə aparılan təbliğat kampaniyasına rusiyalı jurnalistlər də qoşulub.  

“Rossiya-1” telekanalının əməkdaşı, tanınmış jurnalist Andrey Malaxov başda olmaqla bir sıra digər rus KİV nümayəndələri Azərbaycan xalqına səslənərək onlara #evdəqal çağırışı ediblər. 

ŞƏRH YAZ
0

Uxandan Avropaya qatarların hərəkəti bərpa olunub

Uxandan Avropaya qatarların hərəkəti bərpa olunub
00:40
Bu gün
482
Dünya
A
Yeni növ koronavirusun (COVID-19) yayılmağa başladığı Çinin Uxan şəhərindən Avropaya yük qatarlarının hərəkəti təxminən iki aylıq fasilədən sonra bərpa olunub.

"Ölkə.Az" azərtac-a istinadən istinadən xəbər verir ki, martın 28-də “China Railway Express” şirkətinə məxsus qatar Uxan stansiyasından Almaniya istiqamətində yola düşüb.

Qatarın 15 günə Duysburq şəhərinə çatması gözlənilir. Əlli konteynerdən ibarət qatarın yükünün təxminən 90 faizi Uxandakı müəssisələrin istehsalı olan məhsullardır. Buraya pandemiya ilə mübarizədə istifadə olunacaq 166 ton tibbi ləvazimat, avtomobil ehtiyat hissələri və aksessuarları, elektronika malları, fiberoptik kabel, habelə tikinti materialları daxildir. Mallar Duysburqdan Almaniyanın müxtəlif şəhərləri ilə yanaşı, Fransa, Macarıstan, Çexiya və Polşaya da göndəriləcək. İlkin mərhələdə Avropaya həftədə 2-3 qatarın yola salınması planlaşdırılıb. Aprel ayında isə qatarların hərəkəti tam bərpa olunacaq.

Uxanda koronavirusun sürətlə yayılmağa başladığı dövrdən fəaliyyəti dayandırılmış metronun və şəhərlərarası qatarların hərəkəti də martın 28-də bərpa olunub. Sian şəhərindən gələn sərnişin qatarı Uxanın Uçanq vağzalında qəbul olunub. Bu, iki aylıq fasilədən sonra Uxana Çinin digər şəhərlərindən gələn ilk qatar olub. Vağzalı tərk etməzdən əvvəl bütün sərnişinlərin tibbi müayinəsi aparılıb.

Şəhərdə əsas altı metro xətti üzrə qatarların da hərəkəti bərpa olunub.

Ölkə.Az

ŞƏRH YAZ
0
BAĞLA