İrandan Azərbaycana külli miqdarda heroin gətirən şəxs tutuldu — FOTO

İrandan Azərbaycana külli miqdarda heroin gətirən şəxs tutuldu
21:01
12.12.2019
1837
Hadisə
A
İrandan Azərbaycana satmaq məqsədi ilə 2 kiloqramdan çox heroin gətirən şəxs Cəlilabad rayonunda saxlanılıb.

"Ölkə.Az" Daxili İşlər Nazirliyinin mətbuat xidmətinə istinadən xəbər verir ki, Cəlilabad Rayon Polis Şöbəsi əməkdaşları tərəfindən narkotik vasitələrin qanunuz dövriyyəsi və alqı-satqısı ilə məşğul olan şəxslərə qarşı növbəti əməliyyat tədbiri həyata keçirilib.

Belə ki, əldə edilən əməliyyat məlumatı əsasında Masallı rayon sakini əvvəllər dəfələrlə məhkum olunmuş İntiqam Hüseynov Cəlilabad rayonu Muğan kəndi ərazisində saxlanılıb. Onun idarə etdiyi “VAZ 21015” markalı avtomobilin salonuna baxış zamanı 2 ədəd bağlamada ümumi çəkisin 2 kiloqram 630 qram olan narkotik vasitə heroin aşkar olunaraq götürülüb.

İlkin araşdırma zamanı İntiqam Hüseynov həmin narkotik vasitəni şəxsiyyəti istintaqa məlum olmayan əvvəldən tanıdığı “Mehdi” adlı İran vətəndaşından satmaq məqsədi ilə aldığını bildirib. İntiqam Hüseynov ifadəsində əvvəllər də dəfələrlə “Mehdi” adlı şəxsdən narkotik vasitələr əldə edərək onların Bakı şəhərində satışını təşkil etdiyi bildirib.

Faktla bağlı saxlanılan şəxs barəsində Cəlilabad RPŞ-nin İstintaq Bölməsində Cinayət Məcəlləsinin müvafiq maddəsi ilə cinayət işi başlanılıb və barəsində məhkəmənin qərarı ilə həbs qətimkan tədbiri seçilib. İstintaq əməliyyat tədbirləri davam etdirilir.

ŞƏRH YAZ
0

Tovuzda qardaş qardaşı bıçaqlayıb

Tovuzda qardaş qardaşı bıçaqlayıb
23:51
26.01.2020
707
Hadisə
A
Tovuz rayonunda bıçaqlanma hadisəsi baş verib.

"Ölkə.Az" report-a istinadən bildirir ki, hadisə Tovuz şəhər ərazisində qeydə alınıb. 

Belə ki, Tovuz rayon sakini, 1962-ci il təvəllüdlü Əbülfət İslam oğlu Salmanov mübahisə zəminində qardaşı, Rövşən Salmanov tərəfindən bıçaqlanıb. 

Əl, baş və sinə nahiyəsindən bıçaq xəsarətləri alan yaralı xəstəxanaya yerləşdirilib. Onun vəziyyətinin kafi olduğu bildirilir. 

Hadisəni törədən şəxs isə polis tərəfindən saxlanılıb. Faktla bağlı araşdırma aparılır.

ŞƏRH YAZ
0

Gəncədə yetkinlik yaşına çatmayan qız doğuş həyata keçirib

Gəncədə yetkinlik yaşına çatmayan qız doğuş həyata keçirib
23:10
26.01.2020
1095
Hadisə
A
Gəncə şəhərində yetkinlik yaşına çatmayan hamilə qız doğuş həyata keçirib.

"Ölkə.Az" report-a istinadən bildirir ki, 2003-cü il təvəllüdlü, şərti adı N.Z olan şəhər sakini təcili tibbi yardım maşını ilə doğuş üçün xəstəxanaya aparılıb.

O, xəstəxanaya çatdırılsa da “uşaq salma” olduğundan körpəsi dünyasını dəyişib.

Hazırda qadının vəziyyətinin kafi olduğu bildirilir.

Qeyd edək ki, 18 yaşına (yetkinlik yaşına) çatmayan və tam fəaliyyət qabiliyyəti əldə etməyən şəxslər uşaq-yeniyetmə hesab olunur. Azərbaycan Respublikasında nikah yaşı 18 yaş müəyyən olunub. Üzrlü səbəblər olduqda, nikaha daxil olmaq istəyən və nikah yaşına çatmamış şəxslərin xahişi ilə onların yaşadığı ərazinin müvafiq İcra Hakimiyyəti orqanı nikah yaşının 1 ildən çox olmayaraq azaldılmasına icazə verə bilər.

Digər hallarda nikaha daxilolma erkən nikah hesab edilir və müvafiq qanunvericiliyə əsasən belə nikahlar etibarsız sayılır.

18 yaş 1989-cu il tarixli Uşaq Hüquqları Konvensiyasında müəyyənləşmiş son həddir, uşaqların nikaha daxil olması insan hüquqlarının pozulması hesab olunur.

ŞƏRH YAZ
0
BAĞLA