İrandan sərt açıqlama
"Ölkə.Az" xəbər verir ki, Cavad Zərif Trampın BMT Baş Assambleyasındakı açıqlamalarına reaksiya verib. İranlı diplomat yazıb: "Trampın ifadələrinə cavab verməyə dəyməz. Orta əsrlərə aid ifadələrdir".
ABŞ prezidenti isə İranın Hizbullah və Bəşər Əsəd rejimini dəstəkləyərək regionda böhrana səbəb olduğunu iddia edərək "İranla nüvə anlaşması ABŞ üçün utanc mənbəyidir. Bu mövzudə hələ son sözümüzü deməmişik"-deyib.
Tramp çıxışında İran liderlərini də ittiham edib: "İran liderlərinin ən çox əziyyət çəkən qurbanları öz xalqıdır. Resursları iranlıların inkişafına ayırmaq əvəzinə neft gəlirlərini məsum müsəlmanları öldürən, ərəb və israillilərə hücum edən Hizbullah və digər terrorçulara ayırırlar. Bu pullar həm də Bəşər Əsədə və Yəməndəki vətəndaş müharibəsinə də xərclənir".
Hikmət Həsənov
Ölkə.Az