İrandan Trampa müharibə cavabı — Bizi yox etməyə gücünüz çatmaz

İrandan Trampa müharibə cavabı
11:45
27.06.2019
1558
Dünya
A
İranın Xarici İşlər naziri Məhəmməd Cavad Zərif ABŞ prezidenti Donald Trampın təhdidlərinə cavab verib.

 “Ölkə.Az” xəbər verir ki, diplomat “ABŞ-ın İranı yox edə biləcək gücü yoxdur” deyib.

Cavad Zərif Tehranda “CNN” müxbirinin sualını cavablandırarkən Trampın “İranı yox edərik” təhdidini dəyərləndirib. Trampın İran barədə səhv düşündüyünü qeyd edən Zərif “ABŞ İranı yox edə biləcək mövqedə deyil. Qadağan olunmuş silahlardan istifadə etmədən bunu edə biləcək gücləri yoxdur” cavabını verib.

Nazir əlavə edib ki, İran hər hansı bir hücuma qarşı hazırdır:

“Amma biz müharibə və ya münaqişə istəmirik. Tramp XVIII əsrdə yaşamadığımızı və BMT müqaviləsinə əsasən, müharibə təhdidlərinin qeyri-qanuni olduğunu xatırlamalıdır”.

Ölkə.Az
 

ŞƏRH YAZ
0

Trampın Zelenskiyə təziyiqinə görə impiçmentlə üzləşə bilər

Trampın Zelenskiyə təziyiqinə görə impiçmentlə üzləşə bilər
12:05
Bu gün
522
Dünya
A
ABŞ prezidenti Donald Trampın Zelenskiyə təzyiq faktı sübut olunarsa, o zaman Trampa qarşı impiçment elan olunması qaçılmaz olacaq.

"“Ölkə.Az” xəbər verir ki, ABŞ Konqresi prezidentin Ukrayna prezidenti Vladimir Zelenskiyə təzyiqlərini aşkar edərsə, o zaman Trampa impiçment elan edə bilər.

“İmpiçment vəziyyətdən yeganə çıxış yolu olacaq”- Konqresin nümayənədlər palatasının  kəşfiyyat məsələləri üzrə komitəsinin sədri Adam Şiff CNN-ə açıqlamasında deyib.

Qeyd edək ki, mətbuat Trampın  Zelenskidən ABŞ-ın sabiq vitse-prezideti Co Baydenin oğlu Hanter Bayden haqqında araşdırmalara başlamasını tələb edib. H. Bayden 2019-cu ilədək Ukraynanın Burisma Holdings qaz şirkətinin Direktorlar Şurasına daxil olub.

 Bu məlumatdan sonra Bayden Trampdan Zelenski ilə danışıqlarının stenoqramını tələb edib. Tramp isə deyilənləri təkzib edərək, bunun növbəti prezident seçkilərində rəqibi tərəfindən ona qarşı həyata keçirdiyi qara piar olduğunu qeyd edib.

Onu da qeyd edək ki, Co Bayden də 2020-ci ildə ABŞ-da keçiriləcək prezident seçkilərində iştirak etmək istəyir.

Mürtəza
Ölkə.Az

 

ŞƏRH YAZ
0

Moskvada yaxta aşdı, xəsarət alanlar var

Moskvada yaxta aşdı, xəsarət alanlar var
09:00
Bu gün
1543
Dünya
A
Güclü külək səbəbindən Moskva çayında içərisində insanlar olan yaxta aşıb.

Milli.Az qafqazinfo-ya istinadən xəbər verir ki, nəticədə 3-ü qadın, 2-si kişi olmaqla 5 nəfər yüngül xəsarət alıb. Onlara ilkin tibbi yardım göstərildikdən sonra evə buraxılıblar.

Qeyd edək ki, yaxta özü "Küləyin gücü" klubuna məxsus olub. Sinoptiklərin hava xəbərdarlığına baxmayaraq yaxta çaya açılıb.

Ölkə.Az

ŞƏRH YAZ
1
BAĞLA