İrandan Trampa müharibə cavabı — Bizi yox etməyə gücünüz çatmaz

İrandan Trampa müharibə cavabı
11:45
27.06.2019
1938
Dünya
A
İranın Xarici İşlər naziri Məhəmməd Cavad Zərif ABŞ prezidenti Donald Trampın təhdidlərinə cavab verib.

 “Ölkə.Az” xəbər verir ki, diplomat “ABŞ-ın İranı yox edə biləcək gücü yoxdur” deyib.

Cavad Zərif Tehranda “CNN” müxbirinin sualını cavablandırarkən Trampın “İranı yox edərik” təhdidini dəyərləndirib. Trampın İran barədə səhv düşündüyünü qeyd edən Zərif “ABŞ İranı yox edə biləcək mövqedə deyil. Qadağan olunmuş silahlardan istifadə etmədən bunu edə biləcək gücləri yoxdur” cavabını verib.

Nazir əlavə edib ki, İran hər hansı bir hücuma qarşı hazırdır:

“Amma biz müharibə və ya münaqişə istəmirik. Tramp XVIII əsrdə yaşamadığımızı və BMT müqaviləsinə əsasən, müharibə təhdidlərinin qeyri-qanuni olduğunu xatırlamalıdır”.

Ölkə.Az
 

ŞƏRH YAZ
0

Böyük sinə qadının həyatını cəhənnəmə çevirib — FOTO

Böyük sinə qadının həyatını cəhənnəmə çevirib
08:05
Bu gün
319
Dünya
A
İngiltərənin Selbi şəhərinin sakini sinə ölçüsünün həddindən artıq böyük olmasına görə əziyyət çəkir, bu səbəbdən əməliyyat üçün ianə toplamağa qərar verib.

Bu barədə “The Mirror” xəbər yayıb.  

Psixiatr köməkçisi olan Daniel Sallivan buna görə 10 yaşından əziyyət çəkdiyini deyib. Onun sözlərinə görə, məktəbdə mütəmadi olaraq bununla bağlı zarafatları dinləməli olub. 

Hazırda Sallivanın sinəsinin ölçüsü 8XL-dir. Bu ona bir sıra narahatlıqlar yaradır. Məsələn 15 dəqiqəlik gəzintidən sonra onun kürəyi, çiyinləri  və dizləri ağrımağa başlayır.

“Həyatım dəhşətə çevrilib. Mütəmadi ağrılar hiss edirəm. Bu, oyananda başlayır və yatana qədər davam edir”, - deyə qadın bildirib. 

O, həmçinin geyim tapmaqda da bir sıra çətinliklərlə üzləşdiyini, əksər paltarlarını sifarişlə tikdirdiyini bildirib.

Sallivan ictimaiyyət arasında görünməkdən və bütün kişilərin diqqətini öz üzərinə cəmləməkdən də utandığını deyib.

Qadın dövlət hesabına əməliyyat etdirmək istəyib, ancaq kosmetik əməliyyat növü olduğundan bu mümkün olmayıb. Bu səbəbdən ianə toplamaq qərarına gəlib. Ona səkkiz min funt lazımdır. 

ŞƏRH YAZ
0

Yeddi azərbaycanlı qadın Qazaxıstanın bu vilayətindən olan kişilərlə evlənib

Yeddi azərbaycanlı qadın Qazaxıstanın bu vilayətindən olan kişilərlə evlənib
07:07
Bu gün
393
Dünya
A
Yeddi nəfər azərbaycanlı qadın qazaxıstanlı kişi ilə ailə qurub.

Astana.kz-ın xəbərinə görə, ötən il ərzində azərbaycanlılar ölkənin Akmolinski vilayətindən olan kişilərlə evlənib.

Xəbərdə bildirilir ki, ötən il ümümilikdə 39 xarici qadın yerli sakinlərlə nikah bağlayıb və  Qazaxıstan Respublikasının vətəndaşlıq hüququnu alıblar.

Polis İdarəsinin mətbuat xidmətindən verilən xəbərə görə, onlar əsasən MDB dövlətlərinin vətəndaşlarıdır. Qazaxıstanın qoşulduğu BMT Baş Assambleyasının “Evli qadınların vətəndaşlığı haqqında Konvensiya”nın 3-cü maddəsinə əsasən sadələşdirilmiş qaydada vətəndaşlıq hüququ əldə ediblər.

ŞƏRH YAZ
0
BAĞLA