İranın yeni açıqlaması
İranın xarici işlər naziri Cevad Zərif Moskvada rəsmi səfərdədir.
"Ölkə.Az" xəbər verir ki, görüş ərzində Zərifin bəyanatı bütün dünyanın marağına səbəb olub. İranlı nazir bildirib ki, Rusiya Suriyadakı terrorçularla mübarizə üçün ehtiyac yaransa, İrana aid hərbi bazalardan istifadə edə bilər.
Cevad Zərif deyib: "Rusiyanın İranda hərbi bazası yoxdur, amma bizim əməkdaşlığımız var. Ruslar terrorla mübarizə məsələsində İranın hərbi bazalarından istifadə etmək istəsə, hər bir tələbi ayrı-ayrılıqda dəyərləndirib bir qərar verəcəyik".
Ötən yay da Rusiya Suriyadakı terrorçu qruplaşmaları qarşı hava hücum təşkil etmək üçün İranın Həmədandakı hərbi bazasından istifadə etmişdi.
Beləcə, ikinci dünya müharibəsindən sonra ilk dəfə hansısa xarici dövlət İranın hərbi bazasından istifadə etmişdi.
Hikmət
Ölkə.Az
