“İranla ABŞ arasındakı gərginlik müharibə həddinə çatmayacaq” — Millət vəkili

“İranla ABŞ arasındakı gərginlik müharibə həddinə çatmayacaq”
13:03
15.05.2019
659
Siyasət
A
İranla ABŞ arasında münasibətlərin gərginləşməsi bölgədə mövcud olan xoşagəlməyən prosesləri daha da mürəkkəbləşdirib. İki ölkə arasında münasibətlərin gərginləşməsi fonunda İran nüvə proqramı ilə bağlı razılaşmaların bir qisminin dayandırması barədə rəsmi bəyanat verib. Azərbaycanın da yerləşdiyi bölgədə yeni gərginlik ocağının yaranması hansısa formada ölkəmizə də də öz təsirini göstərə bilər.

Tehranla Vaşinqton arasında yaranmış son durumu deputat Elman Nəsirovla  dəyərləndirməyə çalışdıq.

 “Ölkə.Az”a açıqlama verən deputat Elman Nəsirov bildirib ki, ABŞ-la  İran arasındakı  ənənəvi gərginlik yeni mərhələyə qədəm qoyub:

  “Gərginliyin artması nəticəsində Tehran nüvə proqramı ilə bağlı sazişin müəyyən qisminin dayandırması barədə bəyantla çıxış edib. Tehranın belə addım atmasına səbəb isə Tramp administrasiyasının İrana qarşı ciddi sanksiyalar tətbiq etməsidir. Belə ki, 6 ay bundan öncə ABŞ İrana dünya ölkələrinə neft  satışına ciddi qadağa qoyub. Sadəcə 8 ölkəyə müəyyən şərtlər daxilində neft satışına razılıq verib. Ancaq ABŞ həmin ölkələrin də İrandan neft alışını dayandırmağı tələb edib və hansısa ölkə İrandan neft alacağı təqdirdə onlara da sanksiya  tətbiq edəcəyini bildirib. Bildiyiniz kimi bu gün İranın əsas gəlir mənbəyi neftdir və ABŞ bu yolla İranı əsas gəlirindən məhrum etmək istəyir. Digər tərəfdən ABŞ İranın metallurgiya və digər sahələrinə də sanksiya tətəbiq edib. Bu isə İran iqtisadiyyatına ciddi zərbə deməkdir. Belə olan şəraitdə də İran nüvə proqramı ilə bağlı razılaşmanın müəyyən qismini dayandırdığını bəyan edib. Rəsmi Tehran mövqeyini belə əsaslandırır”.

Deputat hesab edir ki, belə olan təqdirdə İran nüvə proqramını bərpa etməklə, nüvə silahı əldə etmək istiqamətində səylərini davam etdirə bilər: “İran məcburiyyət qarşısnda  qalaraq belə bir addım atdığını bəyan edir”.

Onun fikrincə,  yaranmış durum regionda mürəkkəb olan situasiyanı daha da mürəkkəbləşdirir: 

“Digər tərəfdən ABŞ Hərbi donanmasına məxsus Linkoln hərbi gəmisinin Körfəzə yan alması vəziyyəti daha da  dramatikləşdirib. Hesab edirəm ki, belə olan halda beynəlxalq aləm tərəflər arasında münasibətlərin yumşaldılmasına və mövcdu dramatik situasiyanın aradan qalxması istiqamətində öz səylərini göstərməlidir. Xüsusən də Avropa ölkələri və İranın nüvə proqramı sazişini imzalana ölkələr daha aktivlik nümayiş etdirərək gərginliyin azaldılmasına nail olmalıdırlar. Çünki vəziyyətin dramatikləşməsi regionda böyük müharibənin baş verməsini  labüd edə bilər”.

Deputat onu da bildirib ki, bölgədə vəziyyət dramatikləşsə də, yaranmış situasiyanın müharibə  müstəvisinə keçəcəyini gözləmir:

 “Bu o qədər də inandırıcı deyil. Hələ 2000-ci illərdə Buş dövründə ABŞ-ın İrana  hücum edəcəyi ilə bağlı konkret tarixlər, zamanlar deyilirdi. Ancaq bunların heç biri baş vermədi. Sadəcə hərbi psixoloji təzyiqlər  daha da güclənə bilər, ancaq müharibə mərhələsinə keçəcəyinə inanmıram”.
Azərbaycana təsirlərinə və Azərbaycanın bu məsələdəki yerinə gəldikdə E.Nəsirov bildirib ki, bu Azərbaycanın mövqeyi birmənalıdır: 
“Azərbaycan sülhsevər ölkə olaraq bölgədə və dünyada sabitliyin və təhlükəsizliyin təmin olunmasının tərəfdarıdır. O cümlədən ABŞ-la İran arasında yaranmış son durumun da  diplomatik yolla həlinin tərəfdarıdır.

Burada digər bir məqamı xatırlatmaq istərəm. Azərbaycan nə o zaman, nə bundan sonra öz ərazisindən hansıa ölkəyə qarşı istifadəyə imkan verməyib və verməyəcək də. Bu Azərbaycanın prinspial mövqeyidir. Çünki 2006-cı ildə Azərbaycan Prezidenti İlham Əliyev ABŞ-a səfəri zamanı ölkəmiz ərazisindən  İran qarşı istifadə edilməsinə imkan verilməyəcəyini bəyan edib. Azərbaycan bu günə kimi də həmin mövqeyinə sadiqdir və bunu qonşu İran tərəfi də yaxşı bilir. Biz İranla mehriban qonşuluq şəraitində yaşayan ölkəyik. Odur ki, Azərbaycan bölgədə istənilən gərginliyin və ya müharibə hallarının yaranmasının qarşı çıxıb, onların aradan qaldırılması istiqamətində real addımlar atıb”.

Mürtəza
Ölkə.Az

ŞƏRH YAZ
0

Prezident yeni sərəncam imzaladı

Prezident yeni sərəncam imzaladı
18:16
23.07.2019
4824
Siyasət
A
Prezident İlham Əliyev “Azərbaycan Respublikası Hökuməti və Macarıstan Respublikası Hökuməti arasında iqtisadi əməkdaşlıq üzrə Birgə Komissiyanın Azərbaycan Respublikası tərəfindən tərkibi haqqında” Azərbaycan Respublikası Prezidentinin 2009-cu il 16 yanvar tarixli 118 nömrəli sərəncamında dəyişiklik edilməsi barədə sərəncam imzalayıb.

Sərəncama əsasən, Birgə Komissiyanın tərkibi aşağıdakı kimi verilir:

“Birgə Komissiyanın həmsədri

Azərbaycan Respublikasının əmək və əhalinin sosial müdafiəsi naziri

Birgə Komissiyanın üzvləri

Azərbaycan Respublikası xarici işlər nazirinin müavini

Azərbaycan Respublikası iqtisadiyyat nazirinin müavini

Azərbaycan Respublikası energetika nazirinin müavini

Azərbaycan Respublikasının nəqliyyat, rabitə və yüksək texnologiyalar nazirinin müavini

Azərbaycan Respublikası kənd təsərrüfatı nazirinin müavini

Azərbaycan Respublikası ekologiya və təbii sərvətlər nazirinin müavini

Azərbaycan Respublikası təhsil nazirinin müavini

Azərbaycan Respublikası səhiyyə nazirinin müavini

Azərbaycan Respublikası mədəniyyət nazirinin müavini

Azərbaycan Respublikası Dövlət Turizm Agentliyinin sədri

Azərbaycan Respublikası Qida Təhlükəsizliyi Agentliyi sədrinin müavini

Azərbaycan Respublikası Mərkəzi Bankı sədrinin müavini

Azərbaycan Respublikasının Macarıstan Respublikasında fövqəladə və səlahiyyətli səfiri.

Azərbaycan Respublikasının Xarici İşlər Nazirliyi bu sərəncamın 1-ci hissəsi ilə edilən dəyişiklik barədə Macarıstan Respublikası tərəfinə bildiriş göndərməlidir.

Ölkə.Az

ŞƏRH YAZ
0

Bu şəxslərin maaşları artırıldı

Bu şəxslərin maaşları artırıldı
18:04
23.07.2019
5104
Siyasət
A
Azərbaycan Prezidenti İlham Əliyev “Məhkəmələr və hakimlər haqqında” Azərbaycan Respublikasının Qanununda dəyişiklik edilməsi barədə qanunu imzalayıb.

“Ölkə.Az" xəbər verir ki, dəyişikliklə Ali Məhkəmənin sədrinə Milli Məclis Sədrinin aylıq vəzifə maaşı həcmində əməkhaqqı veriləcək.

"Məhkəmələr və hakimlər haqqında" qanunun 106-cı (Hakimlərin maddi təminatı) maddəsinə əsasən, hakimlərə aylıq vəzifə maaşı həcmində vəzifə maaşına əlavə ödəniləcək.

Ali Məhkəmənin sədrinə Milli Məclis Sədrinin aylıq vəzifə maaşı həcmində əmək haqqı veriləcək. Yəni 2 475 manat.

Bundan başqa, səlahiyyətlərin yerinə yetirilməsi ilə bağlı xərclərin ödənilməsi üçün hakimlərə vəzifə maaşının 25 faizi miqdarında vergidən azad olunan aylıq pul təminatı veriləcək.

Qanunun 106-cı maddəsinə edilən digər dəyişikliklə hər bir hakim vəzifə maaşının 25 faizi miqdarında vergidən azad olunan əlavə pul təminatı alacaq. Belə ki, Naxçıvan Ali Məhkəməsinin və apelyasiya məhkəmələrinin sədrləri əlavə 556 manat, ağır cinayətlər məhkəmələrinin, Naxçıvan Muxtar Respublikası ağır cinayətlər məhkəməsinin, hərbi məhkəmələrin və inzibati-iqtisadi məhkəmələrin sədrləri 495 manat, digər məhkəmələrin sədrləri 433 manat əlavə aylıq pul təminatı alacaqlar. Digər hakimlər də müvafiq qaydada bu pul təminatını alacaqlar.

Ölkə.Az

ŞƏRH YAZ
0
BAĞLA