İranlı gecə klubunda döyüldü
Nərimanov rayonu, Əhməd Rəcəbli küçəsi 3-də yerləşən “Ellips club”da İran İslam Respublikasının vətəndaşı döyülüb.
“Ölkə.Az”ın məlumatına görə, hadisə may ayının 3-də qeydə alınsa da, iranlı Əli Əzim oğlu Vəkili bu günlərdə şikayət etmək qərarına gəlib. Bakı Şəhər Baş Polis İdarəsinə şikayət edən iranlının ərizəsi araşdırılması üçün aidiyyatı üzrə Nərimanov Rayon Polis İdarəsinə göndərilib. İranlının izahatı zamanı göstərib ki, gecə klubunda əylənən zaman içkili vəziyyətdə olan müştərilər ona hücum edərək möhkəm döyüblər. Hətta mobil telefonunu da dava zamanı itirib.
