İranlı general Ruhani hökumətini tənqid etdi: “İqtisadiyyat məhv olur”

 “Ölkə.Az” xəbər verir ki, general iqtisadi problemlərin pis idarəetmədən yarandığını bildirib.

Tehranda keçirilən bir tədbirdə çıxış edən Cəfəri İran prezidenti Həsən Ruhani hökumətinin ölkəni idarə etmə tərzini tənqid edib.
“Cəmiyyətdə ədalətin əldə edilməsi ilə cəmiyyətin maddi və mənəvi inkişafının təmin edilməsi üçün ölkədə hamı işləməlidir. Xalqın dolanışığı və iqtisadi problemlər, düşmənlərin fəaliyyətləri və ölkədəki pis idarəetmə səbəbindən keçilməz dalana dirənib”, - deyə general bildirib.

Cəfəri qeyd edib ki, ölkə hökuməti mövcud şəraitə uyğun olmalıdır: “İdarəetmədə İslamı nəzərdə tutmaq ən önəmli şərtdir. İran İslam İnqilabı Keşikçiləri sadəcə hərbi struktur deyil. Biz əvvəlcə hərbi güc olaraq üzə çıxdıq. Amma bu gün cəmiyyətin hər sahəsində fəaliyyət göstəririk”.

Hikmət Həsənov
Ölkə.Az