İranlı tələbəni öldürənlərin başqa cinayəti üzə çıxdı

İranlı tələbəni öldürənlərin başqa cinayəti üzə çıxdı
13:33
19.10.2017
1093
Ölkə
A
Bir neçə gün əvvəl Sumqayıtda iranlı tələbəni öldürməkdə şübhəli bilinərək tutulan dəstə üzvlərinin daha bir cinayəti üzə çıxıb.

"Ölkə.Az" APA-ya istinadən xəbər verir ki, həyata keçirilən araşdırmalarla saxlanılan dəstə üzvləri -  Yunus Camallı, Natiq Babaverdiyev, Ceyhun Talıblı, Pərvin Əlməmmədov və Zahid Dünyamalıyevin bu ilin avqust ayında Kürdəmir rayon sakini Zahid Zərbəliyevin yaşadığı evə girərək ev sahibi və onun həyat yoldaşının ağzını və əl-qolunu yapışqanlı lentlə bağlayaraq mənzildən külli miqdarda pul və qızıl-zinət əşyaları apardıqları müəyyən edilib.
 
Qeyd edək ki, adları qeyd edilən şəxslər oktyabrın 11-də İran İslam Respublikasının vətəndaşı Mohtati Saman Nemat oğlunun yaşadığı Sumqayıt şəhəri, Novxanı bağlar massivindəki evinə quldurluq məqsədi ilə girərək onu öldürüb, lakin evdən hər hansı əmlak əldə edə bilməyib hadisə yerindən qaçıblar.
 
Həyata keçirilən tədbirlər nəticəsində dəstə üzvləri tutulub.
 
Qeyd edək ki, öldürülən Mohtati Saman Nemat oğlu Azərbaycan Tibb Universitetinin 5-ci kurs tələbəsi olub.

ŞƏRH YAZ
0

Gömrükdə kürü əməliyyatı

Gömrükdə kürü əməliyyatı
19:02
Bu gün
48
Ölkə
A
Şimal Ərazi Baş Gömrük İdarəsinin "Samur" gömrük postunun gömrük nəzarəti xəttinə daxil olan Azərbaycan Respublikası vətəndaşının idarə etdiyi "Kia Rio" markalı nəqliyyat vasitəsi saxlanılıb və gömrük baxışı keçirilib.

Dövlət Gömrük Komitəsindən "Ölkə.az"a verilən məlumata görə, sorğu-sual zamanı vətəndaş üzərində və idarə etdiyi nəqliyyat vasitəsində gömrük nəzarətindən gizlədilmiş hər hansı predmetin olmadığını bildirib.

Lakin yoxlama nəticəsində, nəqliyyat vasitəsinin yük yerindəki qara rəngli polietilen paketlərdən, 4 ədəd plastik qabda, ümumi çəkisi 2 120 qram olan qara rəngli dənəvari balıq kürüsü, 2 000 ədəd "Parliament Heets" və 200 ədəd "Parliament Compact" markalı siqaretlər, 2 ədəd "Samsung Galaxy S9" markalı mobil telefonlar aşkar olunub.

Faktla bağlı araşdırma aparılır.

Ölkə.Az

ŞƏRH YAZ
0

Sabirabadda 680 torpaq sahibi birləşərək kooperativ yaradıb

Sabirabadda 680 torpaq sahibi birləşərək kooperativ yaradıb
18:35
Bu gün
900
Ölkə
A
Sabirabad rayonunun Yaxadəllək və Beşdəli kənd sakinləri torpaqlarını birləşdirərək ilk kooperativin əsasını qoyublar.

Bu barədə “Ölkə.Az”a Kənd Təsərrüfatı Nazirliyindən bildirilib. 

Məlumata görə, 16 iyul 1996-cı il tarixdə imzalanmış “Torpaq islahatı haqqında" qanuna uyğun olaraq, adları çəkilən kəndlərin sakinlərinə, ümumilikdə, 1 100 hektar torpaq sahəsi verilib. Bunun isə 850 hektarı “Sabirabad rayonu Birlik İstehsal Kooperativi”nin tərkibində birləşib. 

Kooperativin tərkibində 133 ailənin birləşməsinə baxmayaraq, uzun illər ərzində vətəndaşlar arasında aparılan alqı-satqılar nəticəsində dövlət aktlarının sayı 198 nüsxə təşkil edir. 

Kooperativdə birləşən şəxslərdən 380 nəfəri kişi, 300 nəfəri isə qadındır. 680 nəfərlik kooperativdə orta hesabla adam başına 1,25 hektar torpaq sahəsi düşür. 

Ölkə.Az

ŞƏRH YAZ
0
BAĞLA