İranlı turistin Ermənistanda müəmmalı ölümü
Ermənistanın paytaxtı İrəvan şəhərində asılmış kişi meyiti tapılıb.
"Ölkə.Az" xəbər verir ki, bu gün günorta saat 14:30-da İrəvan Polis İdarəsinə meyitin tapılması barədə zəng daxil olub. Daxil olan zəngə əsasən erməni polisləri Ayqedzor 3 ünvanına gediblər. Asılmış cəsəd aşağı endirilib və tibbi ekspertizaya göndərilib.
Shamshyan.com saytının verdiyi məlumata görə, araşdırmalar zamanı məlum olub ki, cəsəd təxminən 30-35 yaşı olan İran vətəndaşına aiddir. Həmin kişinin bir müddət əvvəl İrəvana turist kimi gəldiyi və həmin ünvanda yaaşdığı bildirilib.
Tapılan meyit tibbi ekspertizaya göndərilib. Müayinələrdən sonra hadisənin intihar, yaxud cinayət olduğu məlum olacaq.
Polis faktla bağlı araşdırma aparır.
Ziya Səccad
Ölkə.Az
