İraq hökumətindən yeni qərar

"Ölkə.Az" xəbər verir ki, baş nazirliyin vilayətlər arası koordinasiya ali qrumu tərəfindən Kərkük icra hakimiyyəti və vilayət məclisinə məsələ ilə bağlı rəsmi yazı göndərilib.

Yazıda deyilir: "Kərkük və mübahisəli bölgələrdə tətbiq ediləcək mexanizmlər İraqın 2005-ci ildə qəbul edilmiş konstitusiyasının 140-cı maddəsində yer alıb. Bu məsələ hələ həll edilmədiyi üçün Kərkük federal hökumət və anti-mərkəzçi idarəetməyə bağlıdır. Bu səbəbdən orada ancaq İraq bayrağı asıla bilər".

Yazıda həm də bildirilir ki, şəhərdə İraq bayrağını asmaq və ya yanında başqa bayraq asmaq səlahiyyəti vilayət məclisinə yox, federal və mərkəzi hökumətə məxsusdur.

Qeyd edək ki, sabiq İraq prezidenti Cəlal Talabaninin lideri olduğu "Kürdüstan yurdsevərlər ittifaqı" üzvü olan Vali Kerim Kərkük vilayət məclisinə yazılı məktub göndərərək Kərkükdə bütün dövlət binalarının üzərinə Kürdüstan bayrağı sancmaq barədə təlimat vermişdi.

Hikmət
Ölkə.Az