İraq ordusu daha 3 bölgəni İŞİD-dən geri aldı

"Ölkə.Az" xəbər verir ki,  bu barədə məlumatı İraq federal polis qüvvələrinin komandanı Raed Şakir Koudət bəyanat yayaraq bildirib. Bəyanatda bildirilir ki, cari ilin fevral ayının 19-dan Mosulun qərbində əməliyyatlar başlayandan bu yana 62 bölgə, məhəllə və müəssisə, eləcə də 330 kilometr uzunluğunda ərazi İşid terror qruplaşmasında geri alınıb.

Qida çatışmazlığından əziyyət çəkən 29 min nəfərə ərzaq köməyi edilib. Bu əməliyyat çərçivəsində yüzlərlə terrorçu öldürülüb. Terrorçulara məxsus minalanmış 286 avtomobil və motosiklet məhv edilib.

İraq federal polis qüvvələrinin komandanının sözlərinə görə, azad edilən bölgələrlə birgə ordu İŞİD terrorçularını mühasirədə saxlamağa davam edir. İŞİD-ə qarşı təzyiqlər gücləndirilir.

O, əlavə edib ki, hazırda İraq ordusu Mosulun qərb bölgəsinin İşiddən alınması üçün əməliyyatları davam etdirir. Döyüşlər zamanı terrorçular ağır itkilərə məruz qalırlar.

Ziya Səccad
Ölkə.Az