İraq ordusu Əl-Faruk rayonunda nəzarəti ələ keçirdi
İraq ordusu Mosulun tarixi hissəsindəki Əl-Faruk rayonunda nəzarəti tam olaraq ələ alıb.
"Ölkə.Az" xəbər verir ki, Əl-Faruk Qədim Mosulun İŞİD terrorçularından təmizlənən ilk kvartalıdır. Bu barədə İŞİD-i Mosuldan təmizləmək üçün keçirilən əməliyyatın komandiri general Abdel Əmir Yarulla məlumat verib.
3 il əvvəl İŞİD liderinin xəlifəlik elan etdiyi Ən-Nuri tarixi məscidi də bu rayonda yerləşir. Qeyd edək ki, terrorçular geri çəkiləndə məscidi partlatmışdılar.
Məlumata əsasən arıtq terrorçuların ərazində Qədim Mosulun cəmi 1 faizi qalıb. Hücumda isə İraq ordusu, xüsusi təyinatlılar və federal polis iştirak edir. Hücum 3 istiqamətdə aparılır. Hökumət aviasiyası da hücuma dəstək verir.
Terrorçuların əlində 90 minə qədər mülki əhali var.
Hikmət
Ölkə.Az