İraq ordusu Kərkükə hücuma başladı
Mosul və Təlafəri İŞİD terrorçularından təmizləyən İraq ordusu yeni hücuma başlayıb.
"Ölkə.Az" xəbər verir ki, ordu birləşmələri İŞİD terrorçularının əlində olan Kərkükün Havice rayonuna doğru hərəkətə keçib. Məsud Bərzani isə gələn həftənin birinci günü müstəqillik referendumu keçirməyə hazırlaşır.
İraqda işğal etdiyi torpaqların böyük bir hissəsini itirən İŞİD-ə daha bir zərbə endiriləcək. İraq ordusu dünən gecə saatlarında Kərkükün qərbindəki Havice rayonuna hücuma keçib. Havice və ətrafı İŞİD-in nəzarət etdiyi ən vacib nöqtələrdən biridir.
İraqın baş naziri Heydər əl-İbadi dünən Havicenin şimalındakı Mahmuru ziyarət etdi və əməliyyat siqnalı verdi. Havice 2014-cü ildə İŞİD terrorçuları tərəfindən işğal edilib.
Hikmət Həsənov
Ölkə.Az
