İraq ordusu Mosul su anbarını azad etdi
İraqın Mosul şəhərində su anbarı yaxınlığında "Haşdi Şabi" qruplaşması ilə peşmərgə arasında toqquşma olub.
"Ölkə.Az" xəbər verir ki, səhər saatlarında İraq ordusu Mosul su anbarına nəzarəti ələ keçirib.
Peşmərgə ilə "Haşdi Şabi" arasındakı toqquşmada 9 nəfər ölüb, 11 nəfər yaralanıb. Peşmərgə Mosul su anbarından çəkilməyi və ərazini "Haşdi Şabi"yə təslim etməyi rədd etdiyi üçün toqquşma baş verib. Peşmərgə silahlıları havaya xəbərdarlıq atəşi açsalar da, şiə silahlıları su anbarına doğru hərəkət edib.
Gecə saatlarında baş verən silahlı toqquşmada 8 şiə silahlısı həlak olub, 7 nəfər yaralanıb. Peşmərgə silahlılarından isə 1 nəfər ölüb, 4 nəfər yaralanıb. Peşmərgə silahlıları qaçmağa üz qoyub.
Hikmət Həsənov
Ölkə.Az
