İraq ordusu Yunis peyğəmbərin məqbərəsinin 200 metrliyinə çatıb

12.01.2017 01:41 Bölmə: Dünya
A- A A+

İraq ordusu Mosulda İŞİD terrorçularını tarımar edib.
 
Ölkə.Az xəbər verir ki, İraq təhlükəsizlik orqanlarının verdiyi məlumata görə, ordu Ninva əyalətinin İŞİD işğalından azad edilməsi əməliyyatı çərçivəsində uğurlu əməliyyatlar keçirib.
 
Əməliyyatda İraq ordusu bir neçə bölgəni terrorçulardan azad edib. İraq ordusu Əl-Maiyye məhəlləsini ələ keçirtməklə, Mosulun şimalındakı regionda yerləşən Yunis peyğəmbərin məscid və məqbərəsinin ərazisini terrorçulardan təmizləyib. Bununla da, İraq ordusu Ninva əyalətinin İŞİD işğalından azad edilməsi əməliyyatı çərçivəsində Yunis peyğəmbərin məqbərəsinin 200 metrliyinə çatıb.
 
İŞİD terrorçuları bölgədən qaçıblar. Verilən məlumata görə, onların İraq ordusuna müqavimət göstərməyə gücləri yoxdur.
 
Ziya Səccad