İraq parlamentinin sədri: "Referendum mövzusunda bitərəfik"
"Ölkə.Az" xəbər verir ki, referendumu dəyərləndirən Cuburi "Kürdüstan xalqının tələbinə hörmətlə yanaşırıq, parlament bu mövzuda bitərəf olacaq"-deyib.
Şimali İraq Kürd Muxtariyyatı idarə heyəti Bağdada səfər edib. Səfər çərçivəsində müzakirə heyəti İraq parlamentinin sədri Cuburi ilə də görüş keçirib. 25 sentyabr referendumu və Ərbil-Bağdad münasibətləri müzakirə edilib.
Cuburi müzakirə heyəti ilə görüşdə deyib: "İraq parlamenti Kürdüstan xalqının referendumuna qarşı heç bir qanun qəbul etməyəcək və heç bir addım atmayacaq. Amma bu mövzu Bağdad ilə qarşılıqlı anlayış çərçivəsində müzakirə edilməlidir. Ərbil ilə Bağdad arasında dialoqun uğurlu olması üçün səy göstərəcəyik. Əgər bu mövzuda müsbət addıma səbəb ola bilməsək, bitərəf qalacağıq".
Hikmət Həsənov
Ölkə.Az