İraq səfiri: “Terrorçuluqla mübarizədə Azərbaycan da bizə dəstək olub”

İraq səfiri: “Terrorçuluqla mübarizədə Azərbaycan da bizə dəstək olub”
13:47
14.07.2017
138
Siyasət
A
“İraq ərazisində demək olar ki, İŞİD terrorçuları qalmayıb”.

"Ölkə.Az"ın APA-ya istinadən məlumatına görə, bunu İraqın Azərbaycandakı müvəqqəti işlər vəkili Fədhil Avad Cebur əl-Şuvayli Mosulun İŞİD qruplaşmasından azad olunması ilə əlaqədar keçirdiyi mətbuat konfransında deyib. 
 
Bütün dünya dövlətlərinin "qara terror"a qarşı mübarizə apardığını deyən diplomat İŞİD tərkibində 100-dən çox ölkə nümayəndəsinin döyüşdüyünü söyləyib: "Bu, torpaqların azad olunmasından əvvəl insanlığın azad edilməsi idi. İŞİD insanlığı alçaltmağa çalışıb. Bir çox dövlətlər bizə kömək edib. Bu təkcə bizim yox, bizə kömək edənlərin qələbəsidir. Azərbaycan da terrorçuluqla mübarizədə bizə dəstək olub".
 
Diplomat İraq hökuməti qarşısında duran prioritet məsələlər arasında Mosulun bərpa edilməsi və qaçqınların şəhərə qayıtması kimi məsələlərin olduğunu vurğulayıb. Diplomat ölkədə terrorçuluqla mübarizə aparan qüvvələrin birləşdiyini söyləyib.
"Onlar yezidi qadınlar və qocaları yandırıblar, 2 milyona yaxın insan Mosuldan qaçqın düşüb. İraq ordusu xaricdən gələn terrorçuları ölkədən qovub. Yunus peyğəmbərin qəbri, məscidlər dağıdılıb. Dost dövlətlər bizə yardım edəcək. Bir çox dövlətlər bizə yardım olub, o cümlədən Azərbaycan". 

ŞƏRH YAZ
0

Azərbaycan-Aİ sazişi üzrə danışıqlarda hansı məsələlər müzakirə ediləcək — AÇIQLAMA

Azərbaycan-Aİ sazişi üzrə danışıqlarda hansı məsələlər müzakirə ediləcək
13:00
Bu gün
2913
Siyasət
A
"Azərbaycan ilə Avropa İttifaqı arasında yeni saziş üzrə danışıqların növbəti mərhələsində siyasi və təhlükəsizlik məsələləri müzakirə olunacaq".

 "Ölkə.Az" Report-a istinadən xəbər verir ki, bunu Avropa İttifaqının Azərbaycandakı nümayəndəliyinin rəhbəri, səfir Kestutis Yankauskas deyib.

Onun sözlərinə görə, Azərbaycan ilə Aİ arasında yeni saziş üzrə danışıqların növbəti mərhələsi mayın 29-30 tarixlərində Bakıda keçiriləcək.

Səfir həmçinin qurumla Azərbaycan arasında imzalanacaq aviasiya sazişinə də toxunub: "Sazişlə bağlı bir sıra işlər həyata keçirilib. Biz bununla bağlı görülmüş işlərin nəticələrini, ümid və nikbinliklə gözləyirik". 

ŞƏRH YAZ
0

Siyavuş Novruzov: "Abituriyentlərin intiharında mətbuatın da günahı var"

Siyavuş Novruzov:
12:55
Bu gün
2026
Siyasət
A
Yeni Azərbaycan Partiyasının (YAP) İcra katibinin müavini, Milli Məclisin Dini qurumlar və ictimai birliklər komitəsinin sədri Siyavuş Novruzov ölkədə abituriyentlər, ümumiyyətlə gənclər arasında intihar halının mətbuatda işıqlandırılmasına qarşı çıxıb.

"Ölkə.Az"ın APA-ya istinadən məlumatına görə, Milli Məclisdə keçirilən dəyirmi masada S. Novruzov bildirib ki, son vaxtlar xüsusilə abituriyentlər arasında intihar hallarının baş verməsində mətbuat günahkardır.

“Məsələn, biri intihar edir, mətbuat isə bunu işıqlandırır, dayanmadan təbliğ edir. Bunu görən digər uğur qazanmayanlar da intihara meyllənir. Əvvəllər belə hallar gizli saxlanırdı, indi isə sanki açıq təbliğ olunur. Hesab edirəm ki, bu barədə ciddi düşünməliyik”, - deyə o qeyd edib.

ŞƏRH YAZ
2
BAĞLA