İraqda 3 kənd İŞİD terrorçularından alınıb

“Ölkə.Az” xəbər verir ki, əməliyyat İraq ordusu və şiə silahlıları tərəfindən keçirilib. Əməliyyatlar İraqla Suriya sərhəddi yaxınlığında Mosul şəhəri ətrafında baş tutub.

Mosulu 100 kilometr şərqində yerləşən 3 kənd terrorçuların əlindən alınıb. Kənddə olan bütün İŞİD terrorçuları məhv edilib. Onların məskunlaşdığı mağaralar dağıdılıb. Çoxlu silah ələ keçirilib.

Qeyd edək ki, hazırda Mosulun qərbində İŞİD terrorçuları 300 minə yaxın dinc əhalini nəzarətdə saxlayır. Terrorçular insanlara imkan vermirlər ki, şəhəri tərk etsinlər. Gizlincə şəhərdən qaçmaq istəyənlər isə öldürülür.

2016-cı ilin oktyabr ayından Mosulda İraq ordusu və ABŞ hərbçilərinin birgə təşkil etdiyi koalisiya qüvvələri əməliyyatlara başlayıb. Əməliyyatlar nəticəsində İraqda bir çox ərazi İŞİD terrorçularından təmizlənib. Bu ilin mart ayından başlayaraq Mosul şəhəri mühasirəyə alınıb. İraqın Mosul şəhərində İŞİD terrorçularına qarşı əməliyyatlar davam edir.

Ziya Səccad
Ölkə.Az