İraqda iğtişaşlarda ölü sayı 120-yə çatdı

İraqda iğtişaşlarda ölü sayı 120-yə çatdı
06:03
07.10.2019
1277
Dünya
A
Son iki gündə İraqda baş verən iğtişaşlarda 15 nəfər həlak olub.

“Ölkə.Az” azərtac-a istinadən xəbər verir ki, oktyabrın 1-dən bu günə kimi İraqda polislə etirazçılar arasında baş verən qarşıdurmada ölənlərin sayı 120 nəfərə çatıb.

Yaralananların sayı isə 4 mini ötüb və onlardan bir çoxunun vəziyyəti ağırdır.

Baş verən hadisələr səbəbindən Bağdadın qubernatoru Fəllah əl-Cəzairi dünən istefa verib.

İraqın Baş Naziri Ədil Əbdül Mehdi bəyan edib ki, etirazçıların bütün tələbləri nəzərə alınacaq. O qeyd edib ki, hökumətdə ciddi dəyişikliklər gözlənilir. Belə ki, Ali Məhkəməyə geniş səlahiyyətlər veriləcək.

Ölkə.Az

ŞƏRH YAZ
0

Türkiyə də İranla sərhədi bağladı

Türkiyə də İranla sərhədi bağladı
18:01
Bu gün
1099
Dünya
A
Türkiyə koronavirusla əlaqədar İranla sərhəd-keçid məntəqələrini müvəqqəti bağlayıb.

"Ölkə.Az" APA-ya istinadən xəbər verir ki, bunu bu gün Türkiyə Səhiyyə naziri Fəxrəddin Qoca bildirib.

F. Qoсa deyib ki, bu gün yerli vaxtla saat 17.00 etibarı ilə sərhəd-keçid məntəqələri müvəqqəti bağlanıb, İrandan Türkiyəyə avtomobil və qatarların hərəkəti dayandırılıb. Türkiyədən İrana səfərlər isə davam edəcək: "İranla sərhəddə Ağrı-Gürbulaq, Hakkari-Esendere ve Van-Kapıköy sərhəd-keçid məntəqələri, bunudan əlavə İğdırdan Naxçıvan bölgəsinə açılan Dilucu sərhəd-keçid məntəqəsi var".

Səhiyyə naziri nəzərə çatdırıb ki, İran və Türkiyə arasında təyyarə uçuşları isə bu gün saat 20.00-dan dayandırılır və Türkiyə İrandan təyyarə qəbul etməyəcək.

Qeyd edək ki, İranda koronavirusla bağlı ölənlərin sayı 8 nəfərə çatıb.

Türkiyədən başqa, İraq, Pakistan və Türkmənistan da İranla sərhədlərini bağlı elan edib.

Ölkə.Az

ŞƏRH YAZ
0

Qərbi Azərbaycan əyalətindəki zəlzələdə 75 nəfər xəsarət alıb — YENİLƏNİB

Qərbi Azərbaycan əyalətindəki zəlzələdə 75 nəfər xəsarət alıb
17:51
Bu gün
1260
Dünya
A
İranın Qərbi Azərbaycan əyalətində baş vermiş zəlzələ nəticəsində xəsarət alanların sayı artıb.

İranın Qərbi Azərbaycan əyalətində baş vermiş zəlzələ nəticəsində xəsarət alanların sayı 75 nəfərə çatıb.

APA-nın məlumatına görə, bunu Xoy şəhər Təcili Tibbi Yardım Xidmətinin rəhbəri Möctabı Kamari bildirib.

Bundan əvvəl 36 nəfəri xəsarət aldığı açıqlanıb.

***

"Ölkə.Az" APA-ya istinadən bildirir ki,  bunu İran Təcili Tibbi Yardım  Təşkilatının sözçüsü Müctəba Xalidi deyib.

M.Xalidi bildirib ki, Xoy şəhərinin Qətur bölgəsində 5,7 maqnitudalı zəlzələ zamanı 36 nəfər xəsarət alıb.

M. Xalidi deyib ki, zəlzələ yerli vaxtla saat 9:22 radələrində yerin 6 kilometr dərinliyində baş verib. Daha sonra 13 afteşok qeydə alınıb.

İran Təcili Tibbi Yardım Xidmətinin rəhbəri qeyd edib ki,  Xoy şəhərinin 25 kəndində evlərə 20-90 faiz civarında ziyan dəyib, bəzi evlər dağılıb.

ŞƏRH YAZ
0
BAĞLA