İraqda iki yerdə terror aktı törədilib

“Ölkə.Az” xəbər verir ki, hər iki hadisə İraqın paytaxtı Bağdadda qeydə alınıb. Partlayışlar bir-birinin ardınca olub.

İlk partlama səsi Bağdadın cənubundakı Əbu-Daşir ərazisində eşidilib. Polis məntəqəsinin yaxınlığında minalanmış avtomobil partladılıb. İkinci partlayış isə təhlükəsizlik qüvvələrinin nəzarət yoxlama məntəqəsinin yaxınlığında törədilib.

Hadisə nəticədə 1 nəfər ölüb, 5 nəfər xəsarət alıb.
Hadisənin terror aktı olduğu bildirilir. Lakin hələlik ətraflı məlumat verilməyib. Terrora görə heç bir qruplaşma məsuliyyəti öz üzərinə götürməyib.

Qeyd edək ki, bundan əvvəl İraqın cənubunda minalanmış avtomobilin partladılması nəticəsində 7 nəfər ölüb, 15 nəfər yaralanıb. 

Ziya Səccad
Ölkə.Az