İraqda referendum günü 42 nəfər edam olundu

“Ölkə.Az” xəbər verir ki, bu barədə yerli mətbuat xəbər yayıb. Bildirilib ki, İraqın şiələr yaşayan kəndində terror aktı törətməkdə və 60 insanın ölümündə günahlandırılan terrorçular insanların gözü qarşısında asılıblar. Edam edilən şəxsləri terrorun qurbanı olmuş adamların yaxınları da izləyiblər.

Bu hadisədən sonra şiələr İraqda daha çox hüquq əldə etmək üçün etiraz aksiyalarına başlamışdılar. Bu aksiyalara günahkarların edam olunması və edam prosesinin məhz onların gözü qarşısında keçirilməsi müsbət cavab kimi qəbul edilə bilər.

Qeyd edək ki, edam edilən şəxslər İŞİD terror təşkilatının üzvləridir. Onlar restoranda törədilən terrorda günahlandırılıblar. Onların məhz referendum günü edam olunması isə ölkədə və dünyada birmənalı qarşılanmayıb.

Ziya Səccad
Ölkə.Az