İraqda Türkmənlərlə iş üzrə nazirlik yaradılıb

İraq parlamenti  Türkmən məsələləri üzrə nazirliyin yaradılması ilə bağlı qanun layihəsini təsdiqləyib.

“Ölkə.Az” İraq mediasına istinadən xəbər verir ki, yaranacaq nazirlik bu ölkədə yaşayan türkmənlərin problemləri ilə birbaşa məşğul olacaq.
İraqda Türkmənlərlə bağlı nazirliyin yaradılması Ermənistan mediasında da ciddi rezonansa səbəb olub. 

Ermənistanın  “Ayastani Anrapetutyun” qəzetinin yazdığına görə, nazirliyin yaradılması Türkmən faktorundan hansısa spekulyativ məqəsədlərdə istifaəd edilməməsi üçün yaradılıb. “Türkmənlər oğuz türkləridir və onlar əsasən  Oğuz dil qrupu ailəsinin Azərbaycan dialektində danışırlar. İraqdakı türkmənlər hətta  Kərkük azərbaycanlıları kimi də tanınırlar.Onların danışıq dili türkmən dili olub, ancaq  zamanında bu coğrafiyada Azərbaycan dövləti yarandıqdan sonra  İraq türkmənlərini Kərkük azərbaycanlıları kimi adlandırmağa başlayıblar.  Hansı ki,  Füzulu də türkməndir və o İraqda yaşayıb yaradıb.
Türkmənlər əsasən İraqın şimalında  Mosul, Ərbil, Kərkük və digər ərazilərdə yaşayırlar. Türkmənlər sayına görə İraqda 3-cü millətdir. Rəsmi məlumatlara görə  əhalinin 2-3 faizini, qeyri-rəsmi məlumatlalra görə isə 13 faizini təşkil edirlər. Türkmənlər siaysi cəhətdəndə çox aktivdirlər və 5 siyasi partiya fəaliyyət göstərir. Bu gün İraq parlamentində 8 Türkmən deputat təmsil olunur. Türkiyə İraq türkmənləri ilə sıx təmasdadır və onlara milli ruh aşılamaqdadır. Artıq çoxsaylı türkmən assimlasiya olduğundan öz ana dilində danışa bilmir”- erməni qəzeti yazır.

Hazırladı Mürtəza
Ölkə.Az