İraqın baş naziri: "Mosul bir neçə günə İŞİD-dən tamamilə təmizlənəcək"
İraqın baş naziri Heydər əl-İbadi Mosul əməliyyatına dair açıqlama verib.
"Ölkə.Az" xəbər verir ki, İbadi Mosulun 1 neçə günə İŞİD terrorçularından tam təmizlənəcəyini bildirib. Baş nazir bir müddət əvvəl də Mosulun qısa müddətə tam azad ediləcəyini açıqlamışdı.
Bağdad şəhərində keçirilən mətbuat konfransında çıxış edən İbadi deyib: "Mosulun tamamilə azad olması an məsələsidir.
Bir neçə gün ərzində şəhəri tamamən İŞİD terrorçularından təmizləyəcəyik".
İŞİD-in Nuri məscidini və minarəsini partlatması məsələsinə toxunan baş nazir bildirib ki, Mosul azad edildikdən sonra qruplaşmanın dağıtdığı bütün tarixi abidələr və binalar bərpa ediləcək.
Hikmət
Ölkə.Az