İraqın qırıcı təyyarələri Suriyada İŞİD-i bombaladı

“Ölkə.Az” xəbər verir ki, Suriya-İraq sərhədi yaxınlığından İraq ordusunun qırıcıları tərəfindən terrorçuların yerləşdiyi əraziləri bombalanıb. Əməliyyatların davam etdiriləcəyi bildirilir.

Qeyd edək ki,  İraqın baş naziri Heydər əl-İbadi İraq ordusunun hərbi hava qüvvələrinin Suriyada hərbi əməliyyatlar keçirəcəyi barədə bəyanat vermişdi. İbadi bildirib ki, hərbi hava qüvvələrinə Suriyadakı İŞİD hədəflərini vurmaq barədə təlumat verib.

İbadi deyib: "Biz İraq sakinlərini, uşaqlarını öldürən terrorçuları hər yerdə təqib etmək və məhv etməyə hazırıq. Onları istənilən yerdə axtaracağıq. Mən hərbi hava qüvvələrinə İŞİD-in Xosaiba və Albu-Kamale rayonlarındakı mövqelərinə zərbə endirmək əmrini vermişəm".

İraq baş naziri verdiyi açıqlamada İraqın hərbi hava qüvvələrinin Suriyada hərbi əməliyyatlar keçirəcəyini bildirib. İraq ordusunun hədəfi İŞİD terrorçuları olacaq. Siyasətçilər isə düşünürlər ki, bu ABŞ tərəfindən İraqa verilmiş xüsusi tapşırıqdır.

Ziya Səccad
Ölkə.Az