İraqın şimalında türk əsgərləri terrorçuların hücumuna məruz qaldı
İraqın şimalında Türkiyə ordusunun əsgərləri kürd terrorçularının hücumuna məruz qalıb.
“Ölkə.Az” xəbər verir ki, bu barədə Türkiyə Silahlı Qüvvələri Baş Qərargahı məlumat yayıb. Verilən məlumatda bildirilir ki, PKK terrorçuları türk əsgərlərinə atəş açıblar. Silahlı hücumun ardından isə əldəqayıqma bomba partladılıb. Partlayış nəticəsində 2 hərbçi şəhid olub, biri ağır olmaqla 3-ü yaralanıb.
Türkiyə Silahlı Qüvvələrinin hərbçiləri tərəfindən keçirilən əməliyyat nəticəsində 8 terrorçu məhv edilib.
Qeyd edək ki, əməliyyata Türkiyə Hərbi Hava Qüvvələri dəstək verib.
Ziya Səccad
Ölkə.Az