İş adamı məcburi məhkəməyə gətiriləcək — Şəhid qızının məhkəməsindən

İş adamı məcburi məhkəməyə gətiriləcək
18:36
12.02.2019
3682
Ölkə
A
Bakı Ağır Cinayətlər Məhkəməsində dələduzluq və rüşvət almada təqsirləndirilən Elnur Babayevin cinayət işi üzrə məhkəmə iclası davam etdirilib.

"Ölkə.Az"ın xəbərinə görə, hakim Eldar Mikayılovun sədrliyi ilə keçirilən prosesdə şahid qismində Bakı şəhəri 9 saylı Vəkil Bürosunda fəaliyyət göstərən Lyudmila Rəhimova ifadə verib

O bildirib ki, zərərçəkmiş Akif Rəhimovun oğlu Rəhim Rəhimovun məhkəmə işində hüquqlarını müdafiə edib. R.Rəhimova qeyd edib ki, E.Babayevin 10 min manata ekspertiza rəyi almasından xəbərdar olub:
 "Həmin danışqları bilirdim. Elnurun 10 min manata qəzada ölən qadının sərxoş olması ilə bağlı ekspertiza rəyi alacağını eşitsəm də, buna inanmadım. Sonra bu barədə Akif müəllimə danışdım. Ona bunun mümkün olmayacağını söylədim".

R.Rəhimovanın sözlərinə görə, E.Babayevin A.Rəhimovdan pul alınması prosesinə şahidlik etməyib.

Məhkəmədə elan olunub ki, zərərçəkmiş A.Rəhimov məhkəmə çağırışlarına məhəl qoymur. Məhkəmə onun barəsində məcburi gətirilmə qərarı çıxarıb.

Məhkəmənin növbəti iclası fevralın 15-nə təyin edilib.

İttiham aktına əsasən, Səbail Rayon Polis İdarəsinin müstəntiqinin sabiq köməkçisi E.Babayev iş adamı Akif Rəhimovdan dələduzluq yolu ilə, ümumilikdə, 52500 manat pul alıb. Həmin pulun qarşılığında isə o, A.Rəhimovun oğlu Rəhim Rəhimovun törətdiyi ölümlə nəticələnən qəza ilə saxta rəy çıxardacağı vədi verib.

Qeyd edək ki, A.Rəhimovun oğlu R.Rəhimov 2017-ci ilin noyabrın 8-də Səbail rayonu ərazisində “Jeep Grand Cherokee” markalı 90-FO-007 dövlət nömrə nişanlı avtomobil yolu keçmək istəyən 1975-ci il təvəllüdlü Əkbərova Könül Elton qızını vurub. K.Əkbərova aldığı xəsarətlərdən hadisə yerində vəfat edib. Hadisədən sonra Rəhimovlar ailəsinin sürücüsü Əmrulla Şahbazov olay yerinə gəlib və qəzanı özünün törətdiyini deyib. Məsələ ictimailəşdiriləndən sonra 20 gün sonra R.Rəhimov saxlanılıb.

Bakı Ağır Cinayətlər Məhkəməsinin hökmü ilə R.Rəhimovun ittiham olunduğu Cinayət Məcəlləsinin 264-cü (hadisə yerindən qaçma) maddəsi hökmdən xaric olunub və o, 5 il müddətinə azadlıqdan məhrum edilib. Bakı Apellyasiya Məhkəməsi isə R.Rəhimovun cəzasının qalan hissəsini məntəqə tipli cəzaçəkmə müəssisəsində keçirməsi barədə qərar qəbul edib və o, azadlığa buraxılıb.

Xatırladaq ki, qəzada ölən K.Ələkbərova şəhid Elton Ələkbərovun qızıdır.

ŞƏRH YAZ
0

Avtomobillərə qənim kəsilənlər tutuldu

Avtomobillərə qənim kəsilənlər tutuldu
18:55
Bu gün
468
Ölkə
A
Nizami (Gəncə) rayon Polis İdarəsi əməkdaşlarının keçirdikləri əməliyyat tədbirləri nəticəsində Gəncə şəhər sakini H.Allahverdiyevə məxsus avtomobildən 378 manat pul və sənəd oğurlamaqda şübhəli bilinən şəhər sakini A.Quliyeva saxlanılıb.

Daxili İşlər Nazirliyindən "Ölkə.Az"a verilən məlumata görə, Kəpəz RPİ əməkdaşlarının keçirdikləri əməliyyat tədbirləri nəticəsində bu ilin fevral-mart ayları ərzində 5 avtomobildən akkumulyator və yaddaş kartı, 1 həyətyanı sahədən inşaat materialları, habelə neft terminalı bazasındakı dəmiryol xəttinin hissələrini oğurlamaqda şübhəli bilinən şəhər sakini, əvvəllər məhkum olunan A.Qurbanov saxlanılıb. 

Ölkə.Az

ŞƏRH YAZ
0

Qusarda bacısına görə həmyerlisini bıçaqlayan şəxsin CƏZASI AZALDILDI

Qusarda bacısına görə həmyerlisini bıçaqlayan şəxsin CƏZASI AZALDILDI
18:18
Bu gün
502
Ölkə
A
Sumqayıt Apellyasiya Məhkəməsində qəsdən sağlamlığa ağır zərər vurmada təqsirləndirilən Elnur Abdullayevin barəsində olan hökmdən verilən apellyasiya şikayəti üzrə məhkəmə iclası başa çatıb.

"Ölkə.Az”ın məlumatına görə, hakim Ruhiyyə Əsgərovanın sədrliyi ilə keçirilən prosesdə qərar elan olunub.

Qərara əsasən, E.Abdullayevin apellyasiya şikayəti qismən təmin edilib, birinci instansiya məhkəməsinin çıxardığı hökm dəyişdirilib.

Belə ki, onun 1 il müddətinə azadlıqdan məhrumetmə cəzası 8 aya endirilib.

İttiham aktına əsasən, hadisə 2018-ci il iyulun 11-də Qusar rayonunda baş verib. E.Abdullayev sosial şəbəkədə əvvəllər tanıdığı həmyerlisi Mühür Mühürovun onun bacısı ilə çəkdirdiyi şəkili görüb. Daha sonra o, M.Mühürovu görüşə çağırıb, bacısı ilə münasibətlərini kəsməsini tələb edib.M.Mühürov isə onun bacısı ilə bir-birlərini sevdiklərini və münasibətlərini kəsməyəcəyini bildirib. Daha sonra hər iki şəxs arasında mübahisə yaranıb. Bu zaman E.Abdullayev üstündə gəzdirdiyi bıçaqla qısqanclıq zəminində M.Mühürovun qarın nahiyəsinə bir dəfə zərbə endirib.

Ölkə.Az

 

ŞƏRH YAZ
0
BAĞLA