İşçi damdan yıxılaraq öldü — Sexdə faciə

İşçi damdan yıxılaraq öldü
00:00
17.07.2019
1264
Hadisə
A
Gəncədə metaləritmə sexində faciə baş verib.

“Ölkə.Az” trend-ə istinadən xəbər verir ki, hadisə Gəncə şəhər Çini qablar zavodunun ərazisində yerləşən metaləritmə sexində qeydə alınıb.

Həmin sexdə işləyən Əsədov Nicat Fizuli oğlunun yıxılıb xəsarət alaraq Gəncə şəhər Təcili Tibbi Yardım Xəstəxanasına daxil olması faktı ilə bağlı daxil olmuş məlumat əsasında dərhal prokurorluq və polis əməkdaşlarının iştirakı ilə hadisə yerinə baxış keçirilib, digər zəruri prosessual hərəkətlər yerinə yetirilib.

Aparılan ilkin araşdırma zamanı məlum olub ki, 1989-cu il təvəllüdlü Gəncə şəhəri, Məhsəti qəsəbəsi sakini Əsədov Nicat Fizuli oğlu Gəncə şəhəri Çini qablar zavodunun ərazisində yerləşən metaləritmə sexində dam örtüyü düzəldən zaman yerə yıxılaraq xəsarət alıb. O, aldığı xəsarətlərdən dünyasını dəyişib.

Faktla bağlı şəhər prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi başlanıb, iş üzrə müvafiq ekspertizalar təyin edilib.

Hazırda cinayət işi üzrə zəruri istintaq tədbirləri davam etdirilir.

Ölkə.Az

ŞƏRH YAZ
0

Qaradağda avtomobil “Şaqman”la toqquşu — xəsarət alan var

Qaradağda avtomobil “Şaqman”la toqquşu
02:09
Bu gün
288
Hadisə
A
Bakının Qaradağ rayonu ərazisində ağır yol-nəqliyyat hadisəsi baş verib.

"Ölkə.Az" report-a istinadən xəbər verir ki, hadisə Səngəçal qəsəbəsində qeydə alınıb.

Belə ki, “Şaqman” markalı yük avtomobili ilə digər nəqliyyat vasitəsi toqquşub. Qəza nəticəsində Şirvan şəhər sakini Bünyadov Xəyal Nizami oğlu ağır bədən xəsarətləri alıb.

Yaralı dərhal təcili yardımın köməkliyi ilə xəstəxanaya çatdırılıb.

Müayinə zamanı ona, döş qəfəsinin küt travması və bədənin müxtəlif dərəcəli travmaları diaqnozu qoyulub. Qəzanın təfərrüatı DYP əməkdaşları tərəfindən araşdırılır.

Ölkə.Az

ŞƏRH YAZ
0

Hövsan yolunda daha bir piyada ölümü - — VİDEO

Hövsan yolunda daha bir piyada ölümü -
20:58
07.12.2019
765
Hadisə
A
Bakıda Zığ-Hövsan yolunda piyadanın ölümü ilə nəticələnən yol-nəqliyyat hadisəsi baş verib.

"Ölkə.Az" qafqazinfo-ya istinadən xəbər verir ki, təxminən 60-70 yaşlarında olan kişi taksi xidməti göstərən avtomobil tərəfindən vurulub.

Hadisə yerinə yol polisi əməkdaşları gəlib.

Qeyd edək ki, Zığ-Hövsan yolunda piyada keçidlərinin tikintisinin və yol salınmasının yarımçıq saxlanılması, işıqlandırmanın olmaması tez-tez analoji hadisələrin baş verməsinə səbəb olur. Artıq 2 ildir ki, tikinti işləri yarımçıq saxlanıb və sakinlər keçiddən istifadə edə bilmirlər.  

Ölkə.Az

ŞƏRH YAZ
0
BAĞLA