"İşğalçının əsəblərini gərən, onları çaş-baş salan informasiyaları onların məkanına ötürməliyik" — Politoloq rəyi

12:55
21.08.2017
393
Siyasət
A
Azərbaycan və Ermənistan arasında informasiya məkanında da müharibə gedir.

Ermənistan tərəfi durmadan, dezinformasiyalar yayır, Azərbaycan tərəfi isə ancaq bu dezinformasiyaların yalan olduğunu sübut etməklə məşğuldur. Ermənistan tərəfi informasiya müharibəsini rəsmi dövlət qurumları vasitəsi ilə yox, həm də müstəqil jurnalist və blogerlər vasitəsi ilə həyata keçirir. Azərbaycan tərəfi isə yalnız rəsmi dövlət qurumları vasitəsi ilə bu işi görməyə çalışır. Ancaq bunun effektiv olması sual altındadır.

İnformasiya müharibəsində zəif tərəflərimizlə bağlı politoloq Elxan Şahinoğlu fikirlərini "Ölkə.Az"-da bölüşüb:

"Uzun illərdir ki, bununla bağlı danışıram, hər il geniş bir yazı yayımlayıram. Çox təəssüf ki, heç nə dəyişmir. Tam əksinə olaraq qarşı tərəf bizə dezinformasiyalar ötürür, biz isə həmin informasiyaları həqiqət bilib öz informasiya məkanımızda yayırıq. Həmin dezinformasiyları yoxlamaq imkanlarımız da yoxdur. Bu məsələdə jurnalistləri də qınamaq olmur. Dövlət qurumları ya gecikir, ya da susur. Dövlət qurumlarının susduğu və gecikdiyi halda isə həmin xəbərlər həqiqətə çevrilir, şayiəyə çevrilir və qarşı tərəf öz məqsədinə nail olur. Buna qarşı biz də eyni üsullardan istifadə edə bilərik. İşğalçının əsəblərini gərən, onları çaş-baş salan informasiyaları onların məkanına ötürməliyik. Bu istiqamətdə iş görmək lazımdır. Bunun müəyyən bir mexanizmi tapılmalıdır, müəyyən dövlət qurumları çərçivəsində bu iş həyata keçirilməli, beyin adamları bir yerə yığılıb bu işin qarşısının alınmasını tapmalıdır. Biz elə etməliyik ki, öz xəbərlərimiz işğalçı məkanda yayılsın. Çox təəssüf ki, bu istiqamətdə iş getmir.

Prezident Administrasiyası yanında Streteji Araşdırmalar Mərkəzi (SAM) var. Mənim düşüncəmə görə bu işə SAM rəhbərlik etməlidir. SAM qapalı təşkilata çevrilib. Əvvəllər az hallarda tədbirlərinə bizi də dəvət edərdilər, ancaq illərdir ki, SAM-ın qapısını tanımıram. Bilmirəm ki, hansı işlə məşğuldurlar. Ola bilsin ki, hansısa məxfi məlumatlar toplanılır, araşdırılır. O zaman biz niyə geri qalırıq? Düşmən bizim informasiya məkanımızda niyə at oynadır? Düşmənlə informasiya müharibəsində öncüllüyü SAM etməlidir. Bizim indiki vəziyyətimiz göstərir ki, SAM da ciddi fəaliyyət göstərə bilmir".

İnformasiya müharibəsi üçün yeni bir quruma ehtiyac olmadığını deyən politoloq qeyd etdi ki, bu istiqamətdə fəaliyyət göstərən insanların çoxusu bəllidir, həmin insanları bir araya toplamaq lazımdır:

"SAM var və bu təşkilat büdcədən kifayət qədər pul alır. Ona görə də, yeni qurum yaratmaqdansa, olan insanları səfərbər etmək və yeni təşəbbüsləri diqqət mərkəzinə almaq lazımdır. Müəyyən işlər görmək olar. Rusiya agentliklərindən birində Müdafiə Nazirliyinin Baş Qərargah rəisinin imzası ilə sənəd yaymışdılar. Bunu ilk mən üzə çıxardım və ictimaiyyətin diqqətinə çatdırdım ki, belə bir şey var və bunlar saxtadır. Müdafiə Nazirliyi bu hadisənin üstündən 1-2 gün keçəndən sonra reaksiya verdi. Azərbaycan tərəfi reaksiya verdi, ancaq bunu yalnız biz bildik ki, bu sənəd saxtadır. Bu nə Ermənistanın, nə də Rusiyanın informasiya məkanında yayıldı. Elə etmək lazımdır ki, Müdafiə Nazirliyinin təkzibi tək bizdə yox, Ermənistan və Rusiya informasiya məkanında da yer alsın. Biz bunu özümüz gördük, özümüz də oxuduq".

Səxavət Məmməd
Ölkə.Az

ŞƏRH YAZ
0

Əli Məsimli: "Dövlət məmurlarının maaşı artırılsın"

Əli Məsimli:
12:58
Bu gün
195
Siyasət
A
"Büdcədə tikinti məsələləri ilə bağlı vəsaitin həcminin az qala 22 faiz təşkil etməsi düzgün deyil. Bu, hardasa 5 milyard manat təşkil edir ki, onun da xərclənməsinə nəzarət çətinləşir. Çünki bu nəticə etibarı ilə korrupsiyanın baş verməsinə şərait yaradır”.

"Ölkə.Az" modern.az-a istinadən xəbər verir ki, bunu Milli Məclisin iqtisadi siyasət, sənaye və sahibkarlıq komitəsinin iclasında "2018-ci ilin dövlət büdcəsi haqqında” qanun layihəsinin müzakirəsi zamanı çıxış edən deputat Əli Məsimli deyib. 

Deputat eyni zamanda, dövlət zəmanəti ilə götürülən vəsaitlərin, kreditlərin taleyinə də toxunub. "Bu məsələdə də çox ciddi problemlər var. Çünki bir çox qurumlar bu məsələdə şəffaflığa əməl etmirlər, həmin vəsaitləri təyinatı üzrə sərf etmirlər. Ona görə də bu məsələnin ciddi təhlili lazımdır”. 

Ə. Məsimli bununla yanaşı, dövlət büdcəsindən maliyyələşən təşkilatlarda çalışanların əmək haqlarının artırılmasını təklif edib. 

"Bu il bir dəfə bu istiqamətdə artım baş verib. Ancaq yaxşı olardı ki, ən azı Cümhuriyyətimizin 100 illiyi ilə bağlı bir dəfə də artım olsun. Çünki büdcədən maliyyələşən təşkilatlarda işləyən insanlarımızın əmək haqları çox azdır”.

ŞƏRH YAZ
0

“Ermənistan sülhdən danışırsa, təhlükəsizliyə də öhdəlik daşımalıdır" — Nazir

“Ermənistan sülhdən danışırsa, təhlükəsizliyə də öhdəlik daşımalıdır
12:29
Bu gün
94
Siyasət
A
Azərbaycanın xarici işlər naziri Elmar Məmmədyarov Avropa İttifaqının “Şərq Tərəfdaşlığı” ölkələrinin XİN rəhbərlərinin Miskdə keçirilən qeyri-rəsmi toplantısında çıxış edib.

XİN-in mətbuat xidmətindən "Ölkə.Az" verilən məlumata görə, E. Məmmədyarov 2017-ci ili Aİ-Azərbaycan əlaqələrinin inkişafında dönüş ili adlandırıb. O, ötən il Azərbaycan prezidentinin Brüsselə səfər etdiyini və bununla da Aİ və Azərbaycan arasında yeni saziş üzrə danışıqların rəsmən başladıldığını xatırladıb.

Nazir Bakı-Tbilisi-Qars dəmir yolu xəttinin işə düşməsinin nəqliyyat və kommunikasiya sahəsində Aİ ilə əməkdaşlıq kontekstində mühüm imkanlar yaratdığını deyib. O, Cənub Qaz Dəhlizinin açılışının həyata keçirildiyini və TANAP layihəsinin rəsmən işə düşdüyünü söyləyib.  

E. Məmmədyarov Aİ ilə Azərbaycan arasında viza liberallaşdırması məsələsinə də toxunub və bu sahədə əməkdaşlıq imkanlarını qeyd edib. O, Dağlıq Qarabağ münaqişəsindən danışaraq “Şərq Tərəfdaşlığı” çərçivəsində bu qəbildən olan real təhlükəsizlik təhdidlərinin əməkdaşlığa ciddi xələl gətirdiyini deyib. Nazir Ermənistan xarici işlər nazirinin sülhdən danışdığı halda, bu ölkənin ilk növbədə öz qoşunlarını işğal olunmuş ərazilərdən çıxarılmalı olduğunu diqqətə çatdırıb, işğal faktının davam etməsinin regionda sülh və təhlükəsizliyə ciddi təhdid olduğunu vurğulayıb: “Ermənistan sülhdən danışırsa, təhlükəsizliyə də öhdəlik daşımalıdır və öz qoşunlarını işğal olunmuş Azərbaycan torpaqlarından çıxarmalıdır”.

İnsanlararası təmas məsələsinə toxunan nazir bildirib ki, Azərbaycan Dağlıq Qarabağın erməni və azərbaycanlı icmalarının əlaqələrinin təşviq edilməsini dəstəkləyir.

E. Məmmədyarovun sözlərinə görə, “Şahdəniz 2” layihəsi üzrə işlər 99%, Cənubi Qafqaz boru xətti üzrə 100%, TANAP üzrə 94 % və TAP layihəsi üzrə 75 faiz başa çatıb: “Tikinti işlərinin son fazası sürətlə gedir. TAP-ın Yunanıstan hissəsi bu ilin noyabrında başa çatacaq və 2020-ci ilə qədər layihə kommersiya baxımdan hazır olacaq”.

ŞƏRH YAZ
0
BAĞLA