“İŞİD dünya üçün böyük təhlükədir”
“Hazırda İŞİD terror qrupuna qarşı beynəlxalq koalisiyanın yaradılmasına ehtiyac var. Çünki bu təşkilat çox təhlükəlidir”.
Bu barədə politoloq Elxan Şahinoğlu Ölkə.Az-a açıqlamasında bildirib. Onun sözlərinə görə, hətta bir-birinə rəqib olan dövlətlər də əsas təhlükənin İŞİD olduğunu bilir.
“İŞİD istənilən yerdə terror törədir. Bu təhlükəni neytrallaşdırmaq üçün İŞİD-in müxtəlif ölkələrdəki mövqelərini məhv etmək lazımdır. Əsasən Suriya, İran, Əfqanıstan əraziləri terrorçulardan təmizlənməlidir”, - deyə siyasətçi bildirib.
Qeyd edək ki, son vaxtlar İŞİD terrorçu qruplaşmasına qarşı mübarizə güclənib. Bu gn də Əfqanıstanın şərqində İŞİD terror qruplaşmasının qalası olaraq bilinən bir bölgəyə hava hücumu təşkil edilib. Hücum nəticəsində 33 terrorçu məhv edilib. İŞİD terrorçularına aid silah-sursat təhlükəsizlik qüvvələrinin əlinə keçib.
Ziya Səccad
Ölkə.Az
