İŞİD-in müharibə naziri məhv edildi
İraq mətbuatı İŞİD qruplaşması barədə yeni iddia ortaya atıb.
"Ölkə.Az" xəbər verir ki, iddiaya əsasən İŞİD lideri Əbubəkr Əl Bağdadinin ən yaxın köməkçilərindən sayılan və müharibə naziri kimi göstərilən İyad Əl Ubedi hava hücumu nəticəsində məhv edilib.
İraq kəşfiyyatından bir mənbənin xəbər agentliyinə verdiyi açıqlamada deyilir: "Əl Ubedi Təlafər şəhəri yaxınlığındakı sığınacağa 14 gün əvvəl təşkil edilən hava hücumunda öldürülüb".
Xəbərdə eyni zamanda 50 yaşlı terrorçunun Əl Bağdadinin də yerinə keçməsi gözlənildiyi qeyd edilib.
Hikmət Həsənov
Ölkə.Az
