İŞİD-in muzdlu döyüşçüləri məhv edildi
ABŞ-ın rəhbərlik etdiyi beynəlxalq koalisiya qüvvələri Suriyanın Əl-Mayadin şəhərində əməliyyat keçirib.
"Ölkə.Az" xəbər verir ki, bu barədə Suriya dövlət kanalı məlumat yayıb. Yayılan məlumata görə, koalisiya qüvvələri İŞİD terror təşkilatının şəhərdəki həbsxanasını hədəfə alıblar. Verilən məlumata görə, əməliyyatlar zamanı çoxsaylı dinc əhali ölüb.
Koalisiya qüvvələrindən bildiriblər ki, əməliyyat zamanı ölənlər dinc əhali olmayıb. Açıqlamaya görə, ölənlər İŞİD terror təşkilatının pulla satın aldıqları muzdlu döyüşçülər olublar.
Qeyd edək ki, iyun ayının 25 və 26-da keçirilən əməliyyat zamanı Suriyanın bir çox şəhərlərində İŞİD terror təşkilatının mövqeyləri hədəfə alınıb. Hədəflərdən biri də terrorçuların həbsxana kimi istifadə etdiyi ərazi olub. Zərbələr zamanı 42 nəfərdən çox insanın öldüyü bildirilib.
Ziya Səccad
Ölkə.Az
