İŞİD-lə Əsəd qüvvələri arasında qanlı döyüş

"Ölkə.Az" xəbər verir ki, terrorçular şəhərin bir neçə istiqamətindən Əsəd rejiminin hərbçilərinə hücum ediblər. Suriya ordusunun hərbçiləri eyni anda müxtəlif mövqeylərdən həmlə edən terrorçuların hücumunu dəf edə biliblər.

Suriyanın “SANA” agentliyinin verdiyi məlumata görə, döyüşlər zamanı terrorçuların 20 döyüşçüsü məhv edilib. Terrorçular güclü müqavimətin qarşısında duruş gətirə bilmədikləri üçün geri çəkilməyə məcbur olublar.

Qeyd edək ki, Deyr-əz-Zor şəhəri 3 ildən çoxdur ki, İŞİD terrorçularının mühasirəsindədir. Terrorçular hərbçiləri də, mülki şəxsləri də mühasirədə saxlayırlar. 

Hazırda şəhərin təqribən yarısı hökumət qoşunlarının nəzarəti altındadır. Yaraqlılar üç ildən çoxdur ki, həm hərbçiləri, həm də mülki şəxsləri mühasirədə saxlayırlar. Şəhərə ərzağı, dərmanı və digər lavazımatları helikopter vasitəsilə gətirirlər.

Ziya Səccad
Ölkə.Az