İŞİD liderinin öldürülməsilə bağlı müəmmalı bəyanat

"Ölkə.Az" xəbər verir ki, bu barədə beynəlxalq koalisiyanın rəsmi nümayəndəsi polkovnik Rayan Dillon jurnalistlər üçün təşkil olunan mətbuat konfransında deyib. Onun sözlərinə görə, Bağdadinin məhv edilməsinə əmin olmasalar da, onun ağır yaralandığı yəqindir. Bu səbəbdən də, artıq Bağdadi bundan sonra İŞİD terrorçularının əməliyyatlara başçılıq edə bilməyəcək.

“Biz dəqqi bilmirik ki, Bağdadi əməliyyatdan sonra sağ qalıb, yaxud ölüb. Lakin o hələ sağ qalsa belə, bundan sonra Mosul və Rakkada terrorçuların fəaliyyətinə nəzarət edə bilməyəcək”, - deyə Rayan Dillon bildirib.

Qeyd edək ki, may ayının sonunda rus qırıcıları İŞİD terrorçularının görüş keçirdiyi binanı bombalamışdı. Nəticədə yüzlərlə terrorçu öldürülmüşdü. Rusiya tərəfi isə hücumda lider Bağdadinin də öldürülmə ehtimalının olduğunu bəyan etmişdi. ABŞ isə belə bir məlumatın olmadığını qeyd etmişdi.

Ziya Səccad
Ölkə.Az