İŞİD liderinin öldürülməsilə bağlı yeni açıqlama
ABŞ-ın rəhbərlik etdiyi beynəlxalq koalisiya qüvvələri İŞİD lideri Əbubəkr əl-Bağdadinin öldürülmə faktını təsdiqləyə bilmir.
"Ölkə.Az" xəbər verir ki, bu barədə beynəlxalq koalisiyanın rəsmi nümayəndəsi polkovnik Rayan Dillon jurnalistlərə açıqlamasında bildirib. Onun sözlərinə görə, Amerikada İŞİD liderinin həqiqətən də məhv edilməsilə bağlı heç bir sübut yoxdur.
“Biz yenə də əvvəlki bəyanatımızda qalırıq. Biz çox istərdik ki, Bağdadi məhv edilsin. Lakin hələlik əlimizdə onun məhv edilməsinə dəlalət edən sənəd yoxdur”, - deyə R. Dillon bildirib.
Qeyd edək ki, may ayının sonunda rus qırıcıları İŞİD terrorçularının görüş keçirdiyi binanı bombalamışdı. Nəticədə yüzlərlə terrorçu öldürülmüşdü. Rusiya tərəfi isə hücumda lider Bağdadinin də öldürülmə ehtimalının olduğunu bəyan etmişdi. ABŞ isə belə bir məlumatın olmadığını qeyd etmişdi.
Ziya Səccad
Ölkə.Az
