İŞİD Liviyada terror aktı törətdi

İŞİD-çilər məsuliyyəti öz üzərlərinə götürüblər.

Ölkə.Az xəbər verir ki, İŞİD terror təşkilatı Liviyada terror aktı törədib. Belə ki, içərisində bomba quraşdırılmış avtomobilin partlaması nəticəsində on nəfər ölüb.

"Derna şəhərində avtomaşının partladılması nəticəsində on nəfər dünyasını dəyişib, onlarla insan ağır yaralanıb", - deyə, yerli tibb xidmətinin nümayəndəsi məlumat verib.

İŞİD-çilər artıq yaydığı bəyanatda terror aktına görə məsuliyyəti öz üzərlərinə götürüblər.

Xatırladaq ki, dünən İŞİD terror qruplaşmasının döyüşçüləri İraq ali seçki komissiyasının 300 üzvünü edam etmişdilər. Bu barədə EFFE agentliyi yerli hüquq-mühafizə orqanlarına istinadən məlumat yaymışdılar. Terrorçular içərilərində ən azı 50 qadının olduğu əsirləri əl-Qazlani hərbi düşərgəsində güllələmişdilər.

Rəşid Mustafazadə

Ölkə.Az