İŞİD nəzarət etdiyi məscidi partladıb

“Ölkə.Az" xəbər verir ki, bu barədə “Al Sumaria” telekanalı məlumat yayıb. Yayılan məlumata görə, terror "Ən-Nuri" cümə məscidində törədilib. İŞİD terrorçuları İraqın Mosul şəhərində yerləşən "Ən-Nuri" cümə məscidini partladıblar.

Qeyd edək ki, "Ən-Nuri" cümə məscidi Mosulda İŞİD terrorçularının nəzarətindədir. İraq  ordusu ilə məscid arasındakı məsafə 200 metrdən də azdır. Hazırda həmin məsciddə təxminən 500 terrorçu nəzarət edir.

Xatırladaq ki, 2016-cı ilin oktyabr ayından Mosulda İraq ordusu və ABŞ hərbçilərinin birgə təşkil etdiyi koalisiya qüvvələri əməliyyatlara başlayıb. Əməliyyatlar nəticəsində İraqda bir çox ərazi İŞİD terrorçularından təmizlənib. Bu ilin mart ayından başlayaraq Mosul şəhəri mühasirəyə alınıb. İraqın Mosul şəhərində İŞİD terrorçularına qarşı əməliyyatlar davam edir.

Ziya Səccad
Ölkə.Az