İŞİD terrorçuları Avropaya köç edir — Rusiyadan ŞOK BƏYANAT

İŞİD terrorçuları Avropaya köç edir
01:00
13.09.2017
34
Dünya
A
İŞİD terror təşkilatı artıq məğlubiyyətini qəbul edib.

“Ölkə.Az” xəbər verir ki, bu barədə Rusiya Xarici İşlər Nazirliyinin əməkdaşı Dmitriy Feoktistov jurnalistlərə açıqlamasında bildirib. Onun sözlərinə görə, İŞİD rəhbərliyi yaxın vaxtlarda əllərində olan ərazilərin də nəzarətdən çıxacağını hiss edir. Bu səbəbdən də, terrorçular külli miqdarda vəsaiti xarici ölkələrə, o cümlədən Avropaya çıxarır. 

Diplomatın sözlərinə görə, terrorçular ilk əvvəl maddi vəsaitlərini Avropaya köçürürlər.

“Terrorçular artıq vəsaitlərini Suriyada saxlamağın təhlükəli olduğunu anlayırlar. Onlar pullarını Avropadakı banklara köçürürlər. Maraqlıdır ki, terrorçulara mane olan yoxdur. Suriyanın Deyr-əz-Zor şəhərində uğradıqları məğlubiyyət İŞİD terrorçularını Avropaya qaçmağa məcbur edir”, - deyə diplomat bildirib.

Qeyd edək ki, Deyr-əz-Zor şəhəri 3 ildən çoxdur ki, İŞİD terrorçularının mühasirəsindədir. Terrorçular hərbçiləri də, mülki şəxsləri də mühasirədə saxlayırlar. 

Hazırda şəhərin təqribən yarısı hökumət qoşunlarının nəzarəti altındadır. Yaraqlılar üç ildən çoxdur ki, həm hərbçiləri, həm də mülki şəxsləri mühasirədə saxlayırlar. Şəhərə ərzağı, dərmanı və digər lavazımatları helikopter vasitəsilə gətirirlər.

Ziya Səccad
Ölkə.Az

ŞƏRH YAZ
0

Ruhani Putinlə Soçidə görüşəcək

Ruhani Putinlə Soçidə görüşəcək
21:59
Bu gün
41
Dünya
A
Rusiya prezidenti Vladimir Putinlə İran prezidenti Həsən Ruhani ilə görüşəcək.

“Ölkə.Az” xəbər verir ki, bu barədə İran Prezident Administrasiyasının mətbuat xidmətinin rəhbəri Pərviz İsmaili məlumat verib. Onun sözlərinə görə, görüş Soçidə baş tutacaq.

“H.Ruhani Rusiyada rəsmi səfərdə olacaq. Onu Putin rəsmi şəkildə dəvət edib. Soçidə keçiriləcək görüşdə İran, Türkiyə və Rusiya rəhbərləri iştirak edəcək. Həmin ərəfədə Həsən Ruhani həm Rusiya, həm də Türkiyə prezidentlərilə təkbətək görüşəcək”, - deyə Pərviz İsmaili bildirib.

Onun sözlərinə görə, görüş noyabrın 22-də baş tutacaq. Görüşdə Suriya və regiondakı digər problemlər müzakirə ediləcək.

Ziya Səccad
Ölkə.Az

ŞƏRH YAZ
1

Rusiya səfirliyi minaatanlardan atəşə tutulub — Dəməşqdə

Rusiya səfirliyi minaatanlardan atəşə tutulub
21:01
Bu gün
175
Dünya
A
Rusiyanın Suriyadakı səfirliyi atəşə tutulub.

“Ölkə.Az” xəbər verir ki, bu barədə Rusiya Xarici İşlər Nazirliyi məlumat yayıb. Verilən məlumata görə, terrorçular tərəfindən atılan mərmi Rusiya səfirliyinə düşüb.

“Noyabrın 20-də, saat 10:35-də Suriyanın paytaxtı Dəməşq şəhərinin terrorçular tərəfindən minaatanlardan atəşə tutulması nəticəsində mərmilərdən biri Rusiya səfirliyinin ərazisinə, yaşayış kompleksinin yaxınlığına düşüb. 122 mm-lik mina binanın divarını, elektrik xətti və su təchizatı sistemini zədələyib”, - deyə məlumatda bildirilib.

Qeyd edək ki, hücum Rusiyanın Suriya ilə bağlı yeni danışıqlara hazırlaşdığı dövrdə baş verib.

Ziya Səccad
Ölkə.Az

ŞƏRH YAZ
0
BAĞLA